Savol: siyosiy lider tushunchasi va uning asosiy funksiyalarini tahlil qiling

Eng ma’qul siyosiy qarorlarni ishlab chiqishi va qabul qilishi. Yetakchilar ham xatolar qilishadi ,albatta, biroq ular ijtimoiy vazifalarni hal qilishning eng maqbul yo‘lini topa olishlari lozim. Shundagina ularo‘zlarining rahbarlik lavozimlariga munosib bo‘ladilar.

Ijtimoiy hakamlik va homiylik. Bu vazifa ommani qonun buzilishlari, amaldorlarning o‘zboshimchaligidan asrash, tartib va qonunchilikni nazorat, rahbatlantirish va jazolash choralari bilan saqlab turish hisoblanadi.

Hokimiyat va ommaning siyosiy va hissiy aloqa kanallarini mustahkamlash va shu bilan fuqarolarning siyosiy rahbarlikdan begonalashuvining oldini olish. Bu yo‘lda ommaviy axborot vositalari, ayniqsa televidiniya katta ahamiyatga egadir. Shuningdek, saylovchilar bilan o‘zaro uchrashuvlar va boshqa tadbirlar orqali prezidentlar va boshqa siyosiy rahbarlar xalq bilan bevosita aloqada bo‘lishi uchun keng imkoniyatlarga ega bo‘ladilar. Yaqin yillarda yurtimizda tashkil qilingan xalq qabulxonalari va davlat xizmatlarining yagona portal bunga yaqqol misol bo‘la oladi.

Yangilanishning tashabbuskori bo‘lish, optimizm va ijtimoiy energiyani to‘plash, ommani siyosiy maqsadlarni amalga oshirishga safarbar qilish. Yetakchi xalq an’analarini avaylab-asrashi, shu bilan birgao‘z vaqtida yangiliklarni ilg‘ay olishi, dunyo hamjamiyatidan ortda qolmaslik uchun jamiyat taraqqiyotini ta’minlashi, xalqda uning ijtimoiy idealari va g‘oyalariga ishonch uyg‘otishi lozim.