Buyuruvchining farmoni va taqiqiga e’tirozsiz bo’ysunish hamda uni buyurilganidek bajarish

Zamonaviy diniy-siyosiy partiyalar va oqimlar

Salafiya

XX asrda boshlarida Jamol al-Din al-Afg’oniy va Muhammad Abdu asos solgan ilohiy harakat Salafiya diniy, madaniy, ijtimoiy va siyosiy mohiyatlarga ega. U musulmonlar hayotini yangilashga qaratilgan bo’lib, Islom dunyosi uzra ko’plab musulmon mutafakkirlari va harakatlariga shakllovchi ta’sir o’tkazgan.

“Salafiya” termini ko’pincha isloh(reforma) va tajaddud(yangilanish) bilan sinonim sifatida ishlatilib, Islom dunyoqarashining asosiy fundamental konseptsiyalari tushunchalaridan birini tashkil etadi. Biroq Qur’on va sunnatga urg’u berishi va o’tmishni qumsash tufayli ayrimlar nazdida reaktsiya va fundamentalism sifatida quriladi.
Vahhobiylik

Vahhobiylik diniy-siyosiy oqim bo’lib, XVIII asrda Markaziy Arabistonning Najd vohasida yuzaga kelgan. Vahhobiylar bevosita din nomidan ish ko’rgan va uni “tozalash” go’yoki Payg’ambar davridagi asl holatiga qaytarish, barcha arablarni yashil bayroq ostida birlashtirish kabi g’oyalarni ilgari surgan. Ingliz mustamlakachiligi bu vaziyatdan o’z maqsadida foydalangan: g’oya tarafdorlarini qurollantirib, Usmonli turklarga qarshi jangga tashlagan. Shuning uchun ham ular Usmonlilar mansub bo’lmish hanafiy mazhabini kofir mazhabi deb e’lon qilishgan. Qandaydir doiralar manfaati yo’lida Islomdagi o’z birodarlarini kofirga chiqarishgacha borib yetishgan.