11 тема практика

Moyin  omirtqalari  siniwi  ha’m  shig’iwin  emlew.  Jabiq  halda  da’rhal  sing’an  ha’m,  a’sirese, 

shiqqan omirtqalardi saliw qa’wipli esaplanadi, sebebi arqa miy ziyanlaniwi mu’mkin. Eger qilinatug’in 

bolsa , procedura ta’jriybeli kadr ta’repinen orinlaniwi lazim. Glisson qawizlag’I arqali  Tartiw en’ ko’p 

tarqalg’an usil esaplanadi, joqari u’sh omirtqanin’ jaraqatlaniwinda sklelet tarpa qollaniladi. Siniwda 6-7 

kgnan 15 kgg’a shekem, shig’iwda onnan ko’birek ju’k penen jataqtin’ bas ta’repin 50-60 sm ge ko’terip 

tartiladi. 

 

Flekcion siniwda mu’yesh aldig’a  ashilg’an boladi, arqa ha’m moyin tiykarina shekem dastiqsha 

qoyiladi. Tartiwshi ku’sh nawqasqa salistirg’anda joqari ha’m arqag’a jo’neltiriledi (225-su’wret,a). 

Ekstenzion siniwda bolsa, mu’yesh arqag’a ashiladi, jastiqsha basqa qoyiladi, tartiwshi ku’sh joqarig’a 

ha’m alding’a jo’neltiriledi (225-su’wret, b). 

 

Sing’an taraw tuwirlang’annan son’ , ju’kti 3-4 kg g’a shekem kemeytiriledi. Tartiw nawqas 

salmag’I esabinan bolsa, onda krovattin’ bas ta’repi 25-30 smge shekem tu’siriledi. Keyinshelli gu’zetiw 

eki usilda alip bariladi: 

1.

 

Repoziciyadan son’ 5-7 ku’n o’tken son’ omirtqa bag’anasinin’ moyin tarawi tuwirlang’an halda 

tartpa jag’ali korset penen almastiriladi. Korset iyin, to’s ha’m omirtqa bag’anasinin’ joqari 

bo’limine tayanadi, joqari bo’limi menen iyek ha’m en’se bo’rtigine tayang’an halda basti uslap 

turadi (226-su’wret). Jag’ali korset penen ha’reketsizlendiriw 2-3  ay mu’ddetke dawam ettiriledi. 

2.

 

Turaqli siniwda gu’zetiw funkcional usilda alip bariliwi mu’mkin: emlewshi fizik ta’rbiya, uqalaw 

ha’m fizioterapevtik proceduralar o’tkeriledi. Orinda jataq rejimi mu’ddeti 1,5-2 ay.  

Eger shig’iw konservativ usilda joq etiledi almasa ya’ki nevrologik o’zgerisler ha’m basqa aqibetler 

kelip shig’iwinan qorqip,       jabiq repoziciya qilinbag’an bolsa , operaciya usilinda saliw, omirtqalar ara 

diskti alip taslaw, alding’I spondilodez qiliw ya’ki arqag’a bo’rtip turg’an omirtqa denesin alip taslaw, 

ornin su’yek transplantanti menen toldiriw mu’mkin(227-su’wret). Omirtqa bag’anasinin’ moyin 

bo’liminde arqa spondilodez islew ko’p tarqalmag’an.