Ikkinchi asos oppozitsiya a’zolari o'rtasidagi munosabatga tayanadi. Bu belgi asosida oppozitsiyalar quyidagicha tasnif qilinadi:
Privativ oppozitsiya. Bunday oppozitsiya a’zolaridan birida bor bo'lgan belgi shu oppozitsiyaning ikkinchi a’zosida bo'lmaydi: «b»dagi «jaranglilik» belgisi «p»da yo'q, «d»dagi «jaranglilik» «t»da yo'q. Demak, bunday oppozitsiya a’zolaridagi belgilar bir-birini inkor etishga (inkorni inkor qonuniga) asoslanadi: b-p (jarangli - jarangsiz), d-t (jarangli-jarangsiz), t-s (portlovchi-sirg'aluvchi) kabi.
Gradual (pog'onali) oppozitsiya. Bunday oppozitsiya fonemalardagi farqlanish belgisining darajalanishiga asoslanadi. Masalan, i-e-a, u-o'-o unlilarida ana shunday darajalanish bor: i (tor) - e (o'rta keng) — a (keng), u (tor) — o' (o'rta keng) - о (keng) kabi. Bularning barchasida til bilan tanglay orasidagi masofa <>tor»dan «keng»ga qarab darajalanib bormoqda.
Darajalanish xususiyati undoshlar oppozitsiyasida ham kuzatiladi: t (portlovchi) — ch (qorishiq) — sh (sirg'aluvchi). Bunda qorishiq «ch»dagi «portlash-sirg'alish» belgisi lining portlovchi «t» bilan sirg'aluvchi «sh» o'rtasiga qo'yilishini taqozo qiladi. Gradual xarakterdagi zidlanish (b-d-g), (p-t-k) oppozitsivalarida ham ntavjud: b (lab-lab) — d (til oldi-dental) — g (til orqa); p (lab-lab) - t (til oldi-dental) — к (til orqa). Bulardagi gradatsiya artikulatsiya o'rnining labdan tilning orqa qismiga qarab ko'chib borish darajasi bilan belgilanadi.
Ekvipolent oppozitsiya. Bunday oppozitsiya a’zolarida asosiy farqlovchi belgidan tashqari yana bitta qo'shimcha farqlovchi belgi ham mavjud bo'ladi 1103. -371). Masalan, o'zbek tilidagi «i» va «и» unlilari «lablanmagan va lablangan» farqlanish belgisi asosida (i-u) oppozitsiyasini hosil qiladi, ammo bu oppozitsiya a’zolarida qo'shimcha farqlanish belgisi ham bor: i (lablanmagan, old qator) — и (lablangan, orqa qator) kabi. Bulardagi «lablanmagan, old qator» belgilari «lablangan, orqa qator» belgilariga teng qiymatli belgilar sifatida qaranta-qarshi qo'yiladi1*. Bunday holat (е-o'), (a-о) oppozitsiyalarida ham kuzatiladi. O'zbek tili undoshlari tizimidagi t-sh. d-j zidlanishlari ham ekvipolent oppozitsiyalar sanaladi, chunki ularda ham zidlanish ikki belgiga asoslangan: t (til oldi-tish, portlovchi) + sh (til oldi-tanglay, sirg'aluvchi) = t-sh oppozitsiyasi; d (til oldi-tish, portlovchi) + j (til oldi-tanglay, sirg'aluvchi) = d-j oppozitsiyasi kabi.
Do'stlaringiz bilan baham: |