Glossariy 1-mavzu. Marketing va uni rivojlanishining asosiy bosqichlari

Индекс – бу солиштиришнинг нисбий кўрсаткич ёки нисбий кўрсаткичларнинг бир тури ҳисобланади.
Индексация - мажбуриятлар бўйича тўловларнинг нарх-наво кўрсаткичи билан ўзаро нисбатини белгилаш; пул талабномалари ва турли даромадларининг ҳақиқий миқдорини инфляция шароитида сақлаб қолиш усули.
Индексация қилинадиган депозит - қийматига инфляция даражасини қўшиб ҳисоблаш орқали белгиланган қиймати аниқланган депозит.
Индексация қилинган қарз - қийматига инфляция даражасини қўшиб ҳисоблаш орқали белгиланган қиймати аниқланган қарз.
Индоссант – ўз ҳуқуқини бошқага ўтказиб, ўтказма рухсат қўйган шахс.
Индоссат - векселга эгалик ҳуқуқини қабул қилиб олувчи шахс.
Индоссамент - Векселнинг орқа томонида ёки қўшимча варақда акс эттирилган ўтказма ёзув бўлиб, бу ёзув орқали вексель эгаси бошқа бир шахсга векселни ҳамда вексель бўйича ундан тўлиқ фойдаланиш ҳуқуқини топширади.
Инициатор банк - бу тўлов операциясини бошловчи банк.
Инфляция - лотинча сўзидан олинган бўлиб, «шишиш, кўпчиш, кўтарилиш» деган маънони англатади. Пулнинг қадрсизланиши; пулни меъёрдан кўп ишлаб чиқарилиши оқибатида пул ҳаракати каналларида мол билан таъминланмаган пулларнинг пайдо бўлиши. Мол ва хизматлар баҳосининг усиши, бозорда талабга жавоб бермайдиган молларнинг кўпайиши, ортиқча пул бирликларини муомалага чиқариш инфляцияга олиб келади.
Инкассо - 1. Халқаро савдодаги ҳисоб-китоблар шаклларидан бири. Унга мувофиқ банк ўз мижозининг топшириғига кўра жўнатилган моллар ва хизматлар учун ҳисоб-китоб ҳужжатлари асосида тўланиши лозим бўлган пул маблағларни ҳақ тўловчидан олади ҳамда бу маблағларини ўз мижозининг банкдаги ҳисобрақамига ўтказади. 2. Банкнинг мол етказиб берувчи томонидан тўловчининг тўловини олиш мажбуриятини бажариши борасида бўладиган ҳисоблар тартиби.
Инкассо операцияси - халқаро савдодаги ҳисоб-китоблар шаклларидан бири. Унга мувофиқ банк ўз мижозининг топшириғига кўра жунатилган товар ва хизматлари учун ҳисоб-китоб ҳужжатлари асосида тўланиши лозим бўлган пул маблағларини ҳақ тўловчидан олади ҳамда бу маблағларни ўз мижозининг банкдаги ҳисобрақамига ўтказади.