Glossariy 1-mavzu. Marketing va uni rivojlanishining asosiy bosqichlari

Инноватор – менежер – Фан - техника тараққиётининг информацион юксалиш шароитларида менежерлик ишининг энг муҳим томонлариданбири инновациялар бўйича фаолият олиб боришдир.

Интеллектуал салоҳият – бу бир томондан ҳаётдаги барча жараёнларга, бошқа томондан – шахсга бевосита алоқадор тушунча сифатида қаралган ва унинг аҳамияти шундаки, у борлиқнинг ва бўладиган ҳодисаларни олдиндан башорат қилишга имкон беради.

Индивидуаллик – кишиниг ўзига хослигини, унинг бошқа одамлардан фарқини акс эттирувчи психологик фазилатларнинг йиғиндисидир.
Истеъдод – ҳар томонлама ривожланган, ниҳоятда кучли ва такрорланмас қобилиятдир.
Ихтилоф – бир-бирига қарама–қарши йўналтирилган мақсадлар, манфаатлар, нуқтаи назарлар, фикрлар ёки икки ва ундан ортиқ кишининг қарашлари тўкнашувидан иборатдир.
Ихтилофларни бошқариш – бу ихтилофни вужудга келтирган сабабларга барҳам бериш соҳасида аниқ мақсадли таъсир кўрсатиш ёки ихтилоф қатнашчилари ҳулк-атворини ўзгартиришга қаратилган таъсир кўрсатишдир.
Ихтилофли вазият – томонларнинг бирон-бир ҳусусда қарама-қарши, зиддиятли нуқтаи назари, зиддиятли мақсадларга интилиши, уларга эришиш учун турли-туман воситалардан фойдаланиши, истакларнинг бир-бирига мос келмаслиги ва шу кабилардир.
Кадрларни бошқариш – бу ташкилотнинг бутун тармоғини режалаштириш, координациялаш ва назорат қилишдир. Булар тизимни такомиллаштиришнинг кенг жараёнлари бўлиб, меҳнатни ихтисослаштиришни таъминлаши, кадрларга бўлган талабни қондириши, раҳбарлар таркибининг етакчилигини, ҳуқуқий кафолатни, меҳнатга баҳо беришни, унинг сарф этилишини компенсациялаши, жамоа шартномаси, ташкилий таълим ва тараққиётни таъминлаши лозим.

Кадрларни бошқариш субъекти – кадрларни тайёрлаш, қабул қилиш, уларнинг ишга куникиши, бошқарув субъектлари таркибига кирувчи ишчилар, жамоани жипслаштириш, тарбиялаш, аъзоларнинг ижодий фаоллигини ошириш соҳасидаги вазифаларни бажарувчи касаба уюшмалари ташкилоти ва бошқа жамоат ташкилотлари тушунилади.

Коллектив – инглизча сўздан олинган бўлиб бир бутунлик, жамоа деган маънони билдиради.