Fanining predmeti, maqsadi va vazifalari, nazariy metodologik tamoyillari

"O‗zbekistonning eng yangi tarixi" kursining asosiy vazifalari
yangi 
dunyoqarash asoslarini, mafkuraviy immunitetni, yoshlar o‗rtasida mustaqil fikrlash 
ko‗nikmalarini shakllantirish, talabalar ongiga asosiy madaniy tushunchalar va 
tamoyillarni kiritish, "ma‘naviy bo‗shliq" ning paydo bo‗lishiga yo‗l qo‗ymaslikdan 
iboratdir. Bu, yosh avlodni vatanparvarlik ruhida tarbiyalash, unlarda insoniyatning 
ilg‗or g‗oyalari bilan uyg‗unlashgan ijodiy dunyoqarashni shakllantirishda juda 
muhim omil hisoblanadi. 
Hozirgi davrda jahon sivilizatsiyasiga bebaho hissa qo‗shgan xalqimizning 
tarixiy o‗tmishini tiklash va saqlash eng muhim vazifalardan biri bo‗lib qolmoqda. 
Zamonaviy tarixni o‗rganish - keng dunyoqarashga, chuqur ijtimoiy va gumanitar 
bilimga, zamonaviy fikrlashga ega yuqori malakali mutaxassislarni tayyorlashning 
bevosita tarkibiy qismidir. 
Hech shubha yo‗qki, zamonaviy tarix ijtimoiy va gumanitar fanlarni 
birlashtiruvchi omil, milliy istiqlol g‗oyasining tarannum etuvchi, yoshlarni 
ma‘naviy-axloqiy tarbiyalash va barkamol rivojlangan shaxsni shakllantiruvchi vosita 
sifatida o‗z o‗rniga bundan buyon ham ega bo‗lib boraveradi.