Ёнfин хавфсизлиги

45. Давлат ёнғин хавфсизлиги хизматининг қуйи тизимларини текширишни ташкиллаштириш. Давлат ёнғин хавфсизлиги хизматининг қуйи тизимларига амалий ёрдам кўрсатиш /6/
Давлат ёнғин хавфсизлиги хизматининг қуйи тизимларини текширишни ташкиллаштириш ИИВнинг махсус буйруқлари талаби асосида амалга оширилади.
Ҳудудий ДЁН хизматлари, уларга бўйсундирилган бўлинмаларда ҳалқ хўжалиги масканлари ва Аҳоли турар жойларнинг ёнғинга қарши қаратилган масалаларини ҳал этишда амалий ёрдам берадилар, давлат ёнғин назорати ходимларининг ишини ташкиллаштиришни кўтарадилар, ҳалқ хўжалиги масканлари ёнғинга қарши ҳимояси ва амалий фаолиятида фан-техника ютуқлари ва ижобий иш тажрибаларини татбиқ этишга қаратадилар.
Бўйсундирилган ДЁН назорат фаолиятини текшириш қуйидаги мақсадда олиб борилади, вилоят, шаҳар ва туманлардаги ёнғинларга қарши қаратилган ишлар аҳволини ўрганиш; ушбу қўлланмани талабларини аниқ бажарилишини таъминлаш профилактик ишларнинг ижобий форма ва услубларини аниқлаш ва татбиқ этиш; текширилаётган хизматлар ишидаги камчиликларни бартараф этиш, ҳамда уларга хизмат вазифаларини ҳал этишда амалий ёрдам бериш, ДЁН хизматлари ходимларини ёнғинларга қарши қаратилган қоида, меъёр, стандарт, давлат ва маҳкамаларнинг меъёрий актлар ҳақидаги билимларини текширишга қаратилади.
Амалий ёрдам кўрсатиш учун вилоят, шаҳар туманларга чиқиш ёнғинлар билан боғлиқ бўлган вазиятни кескинлашиши, ДЁН хизматларидаги тезкор-хизмат фаолиятини, ҳамда илгариги текширувлар хулосаси асосида амалга оширилади.
Амалий ёрдам бўйича бригада таркиби ва унинг аниқ вазифаларини ИИВ, ИИБнинг Ёнғин хавфсизлиги бошқарма ва бўлимлари бошлиқлари, ДЁНнинг транспортдаги хизматчилари учун эса ТИИБ ва ИИБТни раҳбарлари аниқлайди.
Маҳаллий ДЁН хизматларига амалий ёрдам қуйидагича берилади.
ёнғинлар ҳолати кескинлашган алоҳида Аҳоли турар жойларини комплекс текширишни ташкил этиш ва ўтказиш; ёнғин чиққанда ўт ўчириш бўлинмалари куч ва воситаларини чақириш (жалб қилиш) туман режаларини ишлаб чиқиш ва тузатишлар киритиш; ҳалқ хўжалиги масканларини танлаб олиш билан текшириш; ДЁН хизматларининг фаолият йўналишлари бўйича ёнгин-профилактикаси тадбирларини ишлаб чиқиш.
Текширувлар, туман аҳоли пунктлари ва ҳалқ хўжалиги масканларида ДЁН вазифаларини амалга оширишда маҳаллий ходимларни алмаштирмасликлари керак.
Текширув даврида текширувларда топилган камчиликларни бартараф этиш учун қўлларидан келадиган ҳамма чораларни қўллаш керак ва текширилаётганларга хизматдаги хатоларини кўрсатишлари шарт.