Energetika fakulteti

O`quv xonalarida kichik kuchlanishdan foydalanish 

Elektr  parma,  elektr  randa,  elektr  arra  kabi  asboblarni  ishlatish  jarayonida 

ularnning  izolyatsiyasi  shikastlanib  kishi  hayoti  uchun  xavfli  bo`lib  qolishi 

mumkin.  Shuning  uchun  bunday  elektr  asboblari  va  ko`chma  lampalarni 

ishlatishda  xavfsizlikni  ta`minlash  maqsadida  past  36  yoki  42  volt 

kuchlanishlardan foydalanish tavsiya etiladi.  

Agar elektr asboblar uchun xavfli bo`lmagan (biroz xavfli bo`lgan) binolar 

ichida  ishlatilsa,  127  yoki  220  V  li  asboblardan  foydalansa  ham  bo`laveradi. 

Biroq,  bundan  himoya  vositalari  dielektrik  qo`lqop,  kalish  va  gilamchalardan 

foydalanish  va  asbob  korpusini  yerga  ulash  yoki  nol  simga  ulasa  ham  bo`ladi. 

O`sha  xavfli  ishlar  (juda  zax,  tor  o`tirib  ishlashga  to`g`ri  kelganda)  ishlaydigan 

ko`chma  lampalarning  kuchlanishi  12  v  dan  yuqori  bo`lmasligi  lozim).  Past 

kuchlanish  (12,  36,  42  V)  manbai  sifatida  U=127  V  li  tarmoqqa  ulanuvchi  

maxsus  pasaytiruvchi  transformatorladan  foydalaniladi.  Transformator  kopusiga 

kuchlanish  paydo  bo`lib  qolishi  oqibatida  odamlarning  tok  urishi  xavfidan 

himoyalash  maqsadida  transformator  korpusi  neytral  simi  yoki  ikkilamchi 

cho`lg`amning o`rta nuqtasi yerga ulab qo`yiladi.