Energetik audit

Energetik audit va tekshiruv tushunchalari

Energetik audit tashkilot, uskuna, tizim(lar) yoki jarayonlarning energetik natijaviyligini sinchkovlik bilan tahlil qilishdan iboorat. U energiyadan foydalanish, energiya tejamkorligi va iste’molini mos ravishda o’lchash va kuzatishga asoslangan. Energetik auditlar energetik natijaviylikni yaxshilash, energiya yo’qolishini kamaytirish va mos ravishda ekologik foyda olishga qaratilgan imkoniyalarni va ularning ustivorligini aniqlash maqsadida rejalashtiriladi va o’tkaziladi. Audit natijalari amaldagi energiyadan foydalanish va natijaviylik to’g’risidagi ma’lumotlarni aks ettiradi va energetik natijaviylikni va moliyaviy manfaatni yaxshilashgan yo’naltirilgan darajalangan tavsiyalarni beradi. energetika tekshiruvlari — yoqilg’i-energetika resursidan samarali foydalanish ko’rsatkichlarini aniqlash va foydalanish ko’rsatkichlarini oshirishning
iqtisodiy asoslangan chora-tadbirlarini ishlab chiqish maqsadida yoqilg’i- energetika resursi iste’molchilarini tekshirish;
Respublikada yoqilg’i-energetika iste’molchilarini energetika tekshiruvidan va ekspertizadan o’tkazish ishlarini tashkil etish, umumiy rahbarlik qilish va muvofiqlashtirishni davlat nazorati organlari amalga oshiradilar.
Yoqilg’i-energetika iste’molchilarini energetika tekshiruvlaridan va ekspertizadan o’tkazish faqat energoauditorlar tomonidan amalga oshiriladi.
energoauditor — yoqilg’i-energetika resursi iste’molchilarini energetika tekshiruvidan va ekspertizadan o’tkazadigan yuridik shaxs.
Tekshiruvlar va ekspertizalarning mazmuni:
qabul qilingan respublika va xalqaro normalarga; iqtisodiy vaziyatni baholashga;
energetika va ekologiya xavfsizligini ta’minlashga;
mahsulotlar, ishlar va xizmatlarning raqobatbardoshligi ta’sirini baholashga;
energetika tekshiruvlari va ekspertizalar o’tkazish dasturlariga muvofiq bo’lishi kerak.
Yoqilg’i-energetika resursining jami iste’moli yoki uning har bir turining iste’moli har yili ikki ming tonnadan ortiq shartli yoqilg’i yoki bir ming tonnadan ortiq motor yoqilg’isiga teng bo’lgan yoqilg’i-energetika resursi iste’molchilari majburiy energetika tekshiruvlaridan o’tkaziladi.