Davlat kreditining mazmun-mohiyati va funksiyalari. Davlat krediti klassifikatsiyasi. Davlat kreditini boshqarish

Davlat krediti boshqa moliyaviy kategoriyalardan oʼzining quyidagi xarakterli xususiyatlari bilan farqlanadi:

• agar bank kreditini taqdim etishda taʼminlanganlik elementi sifatida aniq boyliklar – ombordagi tovarlar, tugallanmagan ishlab chiqarish va boshqa shunga oʼxshashlar maydonga chiqadigan boʼlsa, davlat tomonidan mablagʼlar qarzga olinayotganda uning egaligida boʼlgan barcha mol-mulk, maʼlum bir hududiy birlikning mulki yoki uning qandaydir bir daromadi davlat kreditining taʼminlanganlik elementi boʼlishi mumkin;

• markaziy hukumat darajasida davlat krediti aniq maqsadli xarakterga ega boʼlmaydi. Shunday boʼlishiga qaramasdan, hokimiyatning quyi darajalarida olingan qarz mablagʼlari aniq ifodalangan maqsadli xarakterga yoʼnaltirilgan boʼladi;

• har qanday qarz oluvchi singari davlat ham mablagʼlarni oldindan belgilangan muddatlarga jalb qiladi va bu muddatlar davlat kreditining aniq shartlarida oʼz ifodasini topadi.

•