Darsning texnologik xaritasi mavzu

DARSNING MAQSADI:

a)ta'limiy maqsad - undoshlar va ularning imlosi haqida boshlang'ich sinfda olgan bilim va ko'nikmalarni takrorlash;

b)tarbiyaviy maqsad - ona yurtga muhabbat, milliy qadriyatlarga hurmat hislarini tarbiyalash;

d) rivojlantiruvchi maqsad - savodxonlikni o'stirish, erkin fikrlash, topqirlik qobiliyatlarini uyg'otish.

Darsning turi: takrorlash.

Darsning usuli: suhbat, savol-javob, musobaqa.

Darsning jihozi: Darslik , kompyuter, qo‘llanma.

Darsning borishi:

I.Darsni tashkil qilish:

a) salomlashish;

b) davomatni aniqlash;

d) xona tozaligining nazorati.

II.O‘tilgan mavzuni qaytarish:

a) til-ijtimoiy hodisa deganda nimani tushunasiz?

b) til to‘g‘risidagi maqollardan ayting.

III.Yangi mavzu bayoni:

1. 
   O'zbek tilida undosh tovushlar va undosh harflar.
   
2. 
   Ayrim undoshlar imlosi.
   

Bu mavzu biroz murakkab, buning ustiga ajratilgan soatga nisbatan dars materiali ancha ko'p, shuning uchun ham o'qituvchi aniq va tezkor harakat qilishi, har bir daqiqadan unumli foydalanishi kerak.

Uy ishini tez ко'rib chiqqach, takrorlash uchun savollarga murojaat qilinadi. O'quvchilar qiynalishsa, ular bilan birga eslashib, sinf taxtasiga misol tariqasida bir nechta so'z yozishi mumkin. Takrorlab, o'tilganlar eslatilgach, ular mashqlar bilan mustahkamlanadi.

15-mashqni bajarishda har bir juftlikdagi so'zlarning ma'nosidagi farqni og'zaki so'rab, izohlatib, yozdirib qo'yish ham mumkin.

Masalan: bob-kitob, asarning har bir ayrim qismi; bop-biror maqsad uchun munosib;

Besh-son; pesh-narsalarning oldinga qaragan tomoni;

bol-asal; pol-xonaning oyoq bosib yuradigan qismi.

16-mashq tez aytishlarda deyarli barcha o'quvchilar qatnashishni xohlashi mumkin. Vaqtni boy bermaslik uchun uch-to'rt o'quvchiga ayttirib, uyda mashq qilish va yodlash topshiriladi. Ta'kid tushayotgan tovushlarga e'tibor qaratiladi.

17-mashqdagi gaplar o'qitilib, muhokama qilinadi. Keyin talaffuzi va yozilishda farqlanayotgan undoshlar ishtirok etgan so'zlar topilib, tahlil qilinadi.

Qolgan mashqlar ham yuqoridagi kabi talaffuz va imlo yo'nalishida bajariladi.

Faol, savodxon o'quvchilarni dars davomida baholab borish ma'qul

IV.Yangi mavzuni mustahkamlash:

1. Undosh tovushlar deb nimaga aytiladi?

2. Nechta undosh tovush bor?

3. Nima uchun undoshlar deyiladi?

4. Undoshlarning qanday o’ziga xos xususiyatlari bor?

V.O‘quvchilarni baholash.

VI.Uyga vazifa: 20-mashq

Ko’rildi: __________________________

IBM mudiri:________________________

V sinf Ona tili № 5

Mavzu: Bosh va kichik harflarning qo’llanishi.