Conference proceedings

ELEKTRONİKA TULLANTILARININ YENİDƏN EMALI PROSESİNİN 
ÖZƏLLİKLƏRİ 

---

1
Azərbaycan Dövlət Neft və Sənaye 
Universiteti, Bakı, Azərbaycan 
[e-mail]
 
2
Azərbaycan Dövlət Neft və Sənaye Universiteti, Bakı, Azərbaycan 
[e-mail]
Xülasə.
Tezisdə müasir dövrdə elektronika məmulatlarının yenidən işlənməsi məsələlərinə baxılmışdır. Elektronika 
məmulatlarının tullantılarının ətraf mühitə verdiyi zərərlər müəyyənləşdirilib və onların aradan qaldırılması yolları təklif edilmişdir. 
Acar sözlər
. Elektronika məmulatları, plata, personal kompüter, emal zənciri, elektrometallurgiya, biometallurgiya üsulları 
Giriş 
Hal-hazırkı dövrdə texnologiyanın sürətli inkişafı ilə birlikdə elektrik və elektronika avadanlıqlarına tələbat 
önəmli dərəcədə artmışdır. Elektrik və elektronika texnologiyalarındakı əsaslı innovasiyalar onların ömrünü qısaldır və 
beləliklə, yeni nəsil elektrik və elektronika avadanlıqlarının və ya elektronika tullantılarının əmələ gəlməsini artırır. Bu 
materialların və tullantıların dünyada istehsalı sürətlə artmaqdadır və yaxın gələcəkdə daha da sürətləndirilməsi gözlənilir. 
Hazırda dünya üzərində istehsal edilən elektronika tullantılarının ildə 20-25 milyon ton kimi böyük bir hissəsi Avropa, 
Amerika və Avstraliyanın payına düşür. Lakin Çin, Şərqi Avropa və Latın Amerikası ölkələrinin də, yaxın gələcəkdə 
önəmli ölçüdə elektronika materialları tullantılarını istehsal etməsi qaçınılmazdır[1].