“bozor iqtisodiyoti nazariyasi-rivojlangan mamlakatlar bozor tajribasi”

3.2.1.-jadval
O`zbekiston xalq xo`jaligi tuzilishi

Tarmoqlar	1990 yil	1993 yil	1996 yil
Sanoat	22,8	28,9	25,8
Qurilish	10,6	11,7	10,8
Qishloq xo`jaligi	33,3	30,8	32,54
Xizmat ko`rsatish	34,4	31,3	31,0

Jadvalda keltirilgan raqamlardan ko`rish mumkinki, qishloq xo`jaligi tarmoqlari juda katta o`rin egallaydi. Sanoat va qurilish rivoz topgan mamlakatlarga taqqoslaganda nisbatan juda orqada.

Endigi dastlabki vazifa, inqiroz tarzida yuzaga kelgan shaxsiy iste’mol bozori muammosidir. Bunda, avvalo oziq-ovqatlar ishlab chiqarishni izga solib, bevosita og`ir ahvolning oldini olish shu bilan birga eng zarur nooziq-ovqat mollari yyetishtirishni hal qilishdir. Bu sohada mamlaktaimizda avj olayotgan mayda korxonalar juda qo`l keladi. Bularning afzalliklari shuki, katta kapital xarajatlarni talab qilmaydi. Bu sohada birinchi navbatda mayda korxonalar, ayniqsa qishloq xo`jalik mahsulotlariga birlamchi ishlov beruvchi tarmoqlarning yuzaga kelishi ayni muddaodir. Bular fermer xo`jaliklari, ijara asosidagi oilaviy pudrat, kasanachiliklar kabilardir.
Shu bilan birga katta-katta inshootlar ham yuzaga kelmoqdaki, bular respublikamiz manfaatiga bo`ysundirilayotgan yangi ishlab chiqarish tuzilishini yaratishda katta ishlar boshlanganidan dalolat beradi. Chunonchi, avtomobil sanoati, metallurgiya tarmog`i, farmokologiya, energetika va boshqalarni bunga misol qilsak bo`ladi.
Milliy iqtisodiyotning shakllanishida jahon mehnat taqsimotida respublikaning o`z o`rnini topishi va xalqaro xo`jaligi integratsiyasiga tezroq qo`shila borishi katta ahamiyat kasb etadi. Bu albatta yangi ishlab chiqarish tuzilishiga bog`liqdir.
Milliy iqtisodiyot yangicha infrastrukturani shakllantirishni talab etib, bu ham ishlab chiqarish infrastrukturaga, ham ijtimoiy infrastrukturaga taalluqlidir.