Bolalar adabiyoti o‘zbekiston respublikasi oliy va o‘rta maxsus ta’lim vazirligi

KALAMUSH ILA SICHQON
Bir kun Sichqon Kalamushning uyiga borub: „Qo‘shni, man
sizga bir yaxshi xabar kelturdim. Mushuk Yo‘lbarsning qo‘liga
tushgan emish. Yo‘lbars bo‘lsa nihoyatda kuchlik hayvondur, albatta
Mushukni salomat qo‘ymas. Bizlarga Mushuk kabi zolim
dushmandan qutulmoq zo‘r shodlig‘dur“, dedi. Kalamush Sich-
qong‘a boqub: „Ey qo‘zim, san xolo yoshsan, hech narsadan
xabaring yo‘q. Yo‘lbars Mushukni o‘ldirur, deb o‘ylaysanmi? Yo‘q,
jonim, aldanursan. Butun olamda Mushukdan zo‘r hayvon yo‘qdur.
Man bir-ikki marta sinaganman. Olloh hech kimni oning changaliga
giriftor qilmasun“ dedi.
H i s s a :   Har kishi o‘z kushandasidan qo‘rqar.
Kesak qanoti siniq qush ko‘ziga tosh ko‘rinur,
Elakda tursa kefak, och ko‘ziga osh ko‘rinur.
www.ziyouz.com kutubxonasi

---

5 5
ILM
Ilm deb o‘qumoq, yozmakni yaxshi bilmak, har bir kerakli
narsalarni o‘rganmakni aytilur. Ilm dunyoning izzati... Ilm inson
uchun g‘oyat oliy va muqaddas bir fazilatdur. Zeroki, ilm bizga
o‘z ahvolimizni, harakatimizni oyina kabi ko‘rsatur. Zehnimizni,
fikrimizni qilich kabi o‘tkur qilur. Savobni gunohdan, halolni
haromdan, tozani murdordan ayurub berur. Òo‘g‘ri yo‘lga rahna-
molik qilub, dunyo va oxiratda mas’ul bo‘lishimizga sabab bo‘lur.
Ilmsiz inson mevasiz daraxt kabidur... Ilmning foydasi shu
qadar ko‘pdirki, ta’rif qilg‘on birla ado qilmak mumkin emasdur.
Bizlarni ilm jaholat qorong‘ulig‘idan qutqarur, madaniyat, in-
soniyat, ma’rifat dunyosiga chiqarur, yamon fe’llardan, buzug‘
ishlardan qaytarur, yaxshi xulq va adab sohibi qilur...
Alhosil, butun hayotimiz, salomatimiz, saodatimiz, sarva-
timiz, maishatimiz, himmatimiz, g‘ayratimiz, dunyo va oxiratimiz
ilma bog‘lidur...
Ilm bir daryo, ichi to‘lmush dur-u gavhar bilan,
Qiymat-u qadrin qachon bilg‘ay ani johil ilan.