Birinchi bob

"QISH" MAVZUSIDA RASM ISHLASH
Mavzu: “Qish” mavzusida rasm chizish
Maqsad: “Qish” mavzusida rasm chizishga o’rgatish.
Kerakli jihozlar:
Surat: “Qish manzarasi"
Mashg’ulotning borishi
O’qituvchi: Bolalar, hozir qanday fasl?
Qish faslida qanday o’zgarishlar bo’ladi?
Qish fasli boshqa fasllardan nimalar bilan farq qiladi? (sovuq bo’ladi, qor yog’adi). Qishda daraxtlarda qanday o’zgarishlar bo’ladi?(ular dam olishadi, qorga belanadi). Qishda hayvonlar, qushlar qanday yashashadi? Qishlovchi qushlar qordan qo’rqmaydilar, lekin qaxraton sovuqda qiynalishadi. Ularga yordam berish kerak. Qish fasli haqida qanday so’zlar aytish mumkin? Qish qanday?(qorli, sovuq, ayozli). Qor haqida nima deyish mumkin: U qanday?
O’qituvchi: Kim qish haqida she’r biladi?
Qishda
N. Orifjonov
Rosa maza qish, Hyech charchamay biz.
Qorlari - kumush. Goho qorbo’ron
Oq kiygan atrof. O’ynab, kim chaqqon-
Qish havosi sof. Bilib olamiz,
Konki uchamiz Qoyil qolamiz.
Bolalar hozir biz qish mavzusida rasm chizamiz. Bolalar chizgan rasmlarida qish manzarasi, qishki o’yinlarni, qorning yog’ishi, bunda uylar, daraxtlar, o’ynab yurgan bolalarning turli-tuman ko’rinishlarini tasvirlaydilar.
Guash buyog’ida qish manzarasini chizishda yer va osmon uchun ajratilgan joyning pastki qismi oq rangga bo’yab chiqiladi. Uning ustiga yesa bir va ko’p qavatli binolarning rasmlari ishlanadi. So’ng daraxtlarning va ularning shoxlaridagi qorlar, qor bosgan tepaliklar, yaxmalak uchadigan joylar, tepalikdan chanada sirpanchiq uchayotgan bolalar va shu kabilarning rasmlari muyqalam bilan ishlab chiqiladi. Rasmni tugatish arafasida yesa muyqalamning uchi bilan oq guash bo’yog’ida yog’ayotgan qor uchqunlari tushiriladi.
Bolalar "Qish" mavzusidagi rasmni jamoa bo’lib ishlashlari ham mumkin. Bunda bolalarning xar biri o’ziga yoqqan manzarani tanlab ifodalaydi. O’qituvchi bolalarning sayrda o’ynab yurgan joylarining rasmini chizishlari mumkinligini aytadi. Shundan so’ng bolalar topshiriqni mustaqil bajarishga kirishadilar.