Birinchi bob

BARGLARDAN PARRANDALAR TASVIRINI TUZISH
Mashg’ulotniig maqsadi: Bolalarni parrandalar haqidagi o’z tasavvurini ifodalashga, umumiy mazmunga ega bo’lgan ayrim tasvirlarni bog’lashga o’rgatish. Parrandalar belgilari tasvirlashga o’rgatish.
Applikasiya yasash malakalarini bilish, ularni mujassamlashtirishga intilish bir xil mavzuni turli xil tasviriy vositalar bilan ochib berish.
Mashg’ulotga tayyorgarlik:
Parrandalarni kuzatish. Parrandalar haqidagi she’r, hikoyalarni o’qib berish.
Mashg’ulot uchun jihozlar:
Turli barg namunalar, rangli qog’oz, qaychi, yelim, yelimlash uchun muyqalam, qog’oz.
Mashg’ulotning borishi:
O’qituvchi: Parrandalar va ularning nomlari, tuzilishi haqida so’zlab beradi va sodda va simmetrik ko’rinishga ega bo’lgan parrandalar tasvirini applikasiya usulida bajarishni ko’rsatib beradi. Dastlab bolalarga parrandalar rasmlari, o’zi, chizilgan tasvirlari ko’rsatiladi va savol-javoblar yordamida bolalarning tushunchalari oydinlashtiriladi. Bolalar parrandalarni diqqat bilan ko’rib bo’lganlaridan so’ng, o’qituvchi ularning qay tartibda barglarni joylashtirish mumkinligini ko’rsatadi.
Kuzgi barglar bolalarning keng qo’lamda badiiy ijod qilishlari uchun juda yaxshi materialdir.
Buning uchun o’qituvchi bolalarni xiyobonga, bog’cha bog’iga sayrga olib chiqadi va yo’l-yo’lakay turli rangdagi, katta-kichiklikdagi barglardan yig’ib kelishlarini o’qtiradi. So’ng, barglar rangiga, turiga katta-kichikligiga ko’ra xillarga ajratib qo’yiladi. Ayrim hollarda barglarni dazmollab tekislash xam mumkin. Bundan tashqari barg sirtida dazmolni ko’proq yoki kamroq yurgizish orqali ularning ranglari o’zgartiriladi. Masalan. dazmol barg sirtida uzoqroq yurgizilsa to’qroq ko’rinishdagi jigarrang hosil bo’ladi. Kamroq yurgizilsa, och jigarranga aylanadi. Qolgan ranglarni topish tajriba yo’l bilan aniqlanadi.
O’qituvchi mashg’ulot jarayonida parrandalar surati tasvirlangan ko’rgazmani sinf taxtasiga osib qo’yadi va bolalar bilan savol-javob o’tkazish orqali qaysi parranda qanday ko’rinishdagi shakllardan tashkil topganligini aniqlaydi. So’ng o’zi tayyorlagan applikasiyami namoyish etadi. Bolalar ham o’zlariga yoqqan parrandalar tasvirini tanlab olganlaridan so’ng stol ustida turgan barglardan uning tasvirini terib chiqadilar.
O’qituvchi stollar oralab yurib kerakli ko’rsatmalar berib boradi.