Азот ва фасфор сақлаган антипирен воситалар ёрдамида тўқимачилик матoлари ва ёғочни ёнғиндан ҳимоялаш усуллари

3.3. Суюқ антипирен таркибларнинг физик-кимёвий хоссалари
Суюқ антипирен ишлаб чиқаришни назорат қилиш, уни қўллаш ва сақлаш учун маҳсулотнинг зичлиги, динамик қовушқоқлиги, солиштирма электр ўтказувчанлиги, тўйинган буғ босими ва бошқа физик-кимёвий тавсифларини билиш талаб этилади. Аммофос эритмасини аммиак билан нейтраллашгача бўлган барча жараёнлар иссиқлик эффектлари билан содир бўлганлиги инобатга олиниб, тайёр маҳсулотларнинг зичлиги, қовушқоқлиги сингари параметрлари 20-60⁰С температура оралиғида ўрганилди[121; c.75]. Эритманинг солиштирма оғирликлари термостатда жойлаштирилган 25 мл ҳажмли пикнометрда ўлчанди. Олинган натижалар рН ни 6,5-8,0 оралиғида эритма зичлиги сезиларли ўзгармаслигини, бироқ дастлабки концентрациянинг 10 % дан 20 % гача ўзгаришидан 1 м³ ҳажмга эритма массасини 70 кг (20-60 ⁰С оралиғида) га ортишини кўрсатди (жадвал 3.4).
3.4-Жадвал
Суюқ антипиренларнинг турли температурадаги зичлиги, қовушқоқлиги ва электр ўтказувчанлигини аниқлаш натижалари

т/р	Аммофоснинг конц., % масс.	рН	Зичлиги (кг/м^3) температурада, ^0С
			20	30	40	50	60
Зичлиги (кг/м^3)
1	10	6,5	1075	1069	1062	1057	1050
2		7,1	1080	1074	1067	1060	1051
3		8,0	1083	1077	1071	1065	1058
4	20	6,6	1142	1133	1125	1118	1110
5		7,0	1150	1142	1134	1124	1115
6		7,9	1153	1143	1135	1126	1118
Қовушқоқлик (СПз)
7	10	6,5	22,12	17,70	14,21	12,10	10,55
8		7,1	23,21	18,61	15,00	12,82	11,20
9		8,0	24,36	19,53	15,72	13,40	11,92
10	20	6,6	25,20	20,15	16,16	14,03	12,44
11		7,0	26,11	20,90	16,42	14,11	12,51
12		7,9	26,97	21,61	17,35	14,75	13,00
Электр ўтказувчанлик (см/м)
13	10	6,5	10,44	12,36	13,94	16,30	18,13
14		7,1	9,29	10,71	12,52	14,83	16,65
15		8,0	8,25	10,32	12,00	14,08	15,17
16	20	6,6	9,20	11,42	12,66	14,97	16,10
17		7,0	8,11	9,66	11,25	13,18	14,72
18		7,9	7,00	8,65	10,08	11,80	13,78

Оптимал таркибли (20% аммофос эритмаси, рН≥7) антипирен учун зичликка температуранинг таъсири қуйидаги тенглама билан ифодаланади:

d=1169-0,90*t;
d-эритма зичлиги, кг/м³; t-температура, ⁰С Антипиренни қовушқоқлигини аниқлаш натижаларидан (жадвал 3.7) 20⁰С концентрацияни 10% дан 20%гача ортиши қовушқоқликни ~4 СПз ортишига (18% )олиб келишини кўрамиз. Бироқ, температура 60 ⁰С гача ортганда эритмаларнинг дастлабки концентрациясига ҳамда рН га боғлиқ равишда қовушқоқлик 2,0-2,1 марта камаяди. Антипирен таркиблар суюқ эритмаларининг электр ўтказувчанлиги Кольраушнинг кўприкли схемаси бўйича 20-60⁰С температура интервалида ўлчанди. Аммофос концентрациясининг ва рН нинг ортиши билан электр ўтказувчанлик камаяди аммо температуранинг 20 дан 60 ⁰С гача ортишидан электр ўтказувчанлик 1,7-2,0 марта ортади (3.4-жадвал).
Антипирен препаратлар буғи босимининг концентрацияга, эритма рН ва температурасига боғлиқлиги динамик усулда аниқланди. Эритма буғ босими ўзгаришининг температурага боғлиқлиги Клаузиус-Клапейрон тенгламасига бўйсунади: lgK=A-(B/T), бу ерда: Т–абсолют температура, К; А ва В – доимий константалар. Кичик квадратлар усулида ҳисобланди. Экспериментал натижалар 3.5-жадвалда келтирилган.
3.5-Жадвал
Антипирен таркиблар эритмасининг тўйинган буғ босими

т/р	Аммофоснинг конц., % масс.	рН	Тенглама lgР=A-(B/T)		Эритма тўйинган буғ босими (кПа) температурада, ^0С
					20	30	40	50	60
			А*10^2	В
1	10	6,5	923,46	2422,15	1,23	2,31	4,17	7,24	12,16
2		7,1	906,35	2375,30	1,20	2,23	3,97	6,81	11,13
3		8,0	958,68	2544,37	1,06	2,06	3,82	6,81	11,75
4	20	6,6	909,15	2340,20	1,69	3,10	5,48	9,34	15,41
5		7,0	894,07	2305,96	1,56	2,84	4,98	8,42	13,79
6		7,9	934,52	2445,06	1,33	2,51	4,54	7,93	13,39

Эритма концентрациясининг ва рН нинг ортиши билан буғ босимининг пасайиши кузатилади. Криоскопик усулда антипирен таркибларнинг музлаш температураси аниқланди.

3.4. Аммоний фосфат ва ноорганик тузлар иштирокида антипирен препаратлар олиш жараёнининг физик-кимёвий аспектлари
3.4.1. Аммофос асосидаги антипиренни NH₄NO₃ иштирокида олиш жараёнини тадқиқ этиш
3.6-Жадвал
Антипирен намуналар таркиби ва уларнинг олиниш шароитлари

т/р	Даст. комп. миқдори,% масс.		N:P2О5 миқ-дори,% масс.		Нисбат N:Р2О5	Эритма рH
	Аммофос	NH4NO3	N	Р2О5
1	20	0	2,1	9,2	0,23	3,9
2			3,3	9,0	0,36	7,3
3	17	3	2,9	7,8	0,37	4,0
4			2,9	7,7	0,38	6,0
5			3,0	7,6	0,40	7,1
6	15	5	3,3	6,9	0,48	3,9
7			3,4	6,7	0,50	5,9
8			3,4	6,6	0,52	7,5
9	13	7	4,0	5,7	0,70	4,0
10			4,1	5,6	0,73	6,0
11			4,2	5,5	0,76	7,2
12	10	10	4,5	4,6	0,98	4,0
13			4,5	4,5	1,00	6,1
14			4,6	4,4	1,05	7,3

Ушбу бўлимда аммофос ва аммоний нитрат иштирокида таркибида N:P₂О₅ масса нисбати юқори антипирен препаратлари олишга йўналтирилган тадқиқотлар ўтказилди. Тажрибаларда N:P₂О₅ масса нисбатлари 1:1 га қадар ошириб борилди. Турли нисбатлардаги азот ва P₂О₅ сақлаган намуналар ва уларнинг олиниш шароитлари 3.6-жадвалда келтирилган

3.2-Расм. N ва Р₂О₅ ларнинг масса нисбатлари




3.3-Расм. Аммофос ва NН4NO3 ларнинг масса нисбатлари
Барча тажрибаларда тузларнинг эритмадаги биргаликдаги концентрацияси 20% бўлишлиги эътиборга олинди ва аммофос:NH₄NO₃ нинг масса нисбатлари 1:0,2÷1:1, эритма рНи эса 3,9÷7,5 диапазонида ўзгартирилди[121; c.79]. Таркибидаги N ва Р₂О₅ миқдорлари ўзаро тенг бўлган, яъни N ва Р₂О₅ нинг ҳар биридан 4,5% сақлаган эритма олиш учун аммофос ва NH₄NO₃ дан 1:1 масса нисбатда олиш лозим. Яъни, эритмадаги аммофос ва NH₄NO₃ 10% дан бўлишлиги мақсадга мувофиқ. Қўлланилаётган эритмаларнинг рН қийматини ортиши ёнғин ҳимоя самарадорлигига ижобий таъсир кўрсатди (3.2-3.3-расм). Буни эритма рН қиймати ортиши билан (аммиак билан нейтралланиши натижасида) унинг таркибидаги аммоний гидрофосфат (аммоний гидро- фосфат) миқдорининг ортиши билан изоҳлаш мумкин. Суюқ антипирен таркибларнинг зичлигини пикнометрик усулда аниқлаш натижалари қуйида (3.7-жадвал) келтирилган.
3.7-Жадвал