Astanaqulova zuhraxon baxtiyorjon qizi

2.3.Texnologiya fanini o’qitishning interfaol ta’lim metodlari
Texnologiya fani darslarida interfaol ta’lim metodlari quyidagilardan iborat:( “Aqliy hujum”, “Klaster”, “Sinkveyn”, “O’zaro bir-birini baholash”, “Kichik guruhlarda ishlash”, “Munozara darslari”, “Ishbilarmonlik o’yinlari” va shu kabi usullar kiradi).
Interfaol usul nima degani o’zi?
SHuni ta’kidlash kerakki, “interfaol” (”interaktiv“) atmani ikki so’zning ya’ni inter (yoki interval) -aro yoki oraliq va aktiv (faol) so’zlaridan tashkil topgan. Bundan ko’rinadiki, ta’limda interfaol usullar qo’llanilganda o’qitish, o’rgatish ishlari o’qituvchi bilan o’quvchi (o’qituvchi o’quvchi), o’quvchi bilan o’quvchi (o’quvchi o’quvchi), o’quvchi bilan sinf (o’quvchi sinf) kabi oraliqda amalga oshiriladi. Natijada o’qituvchi butun sinf o’quvchilari bilan ishlay olish imkoniyatiga ega bo’ladi. Bugungi kunda interfaol metodning ko’plab shakllari yaratilgan bo’lib, ulardan amalda samarali foydalanib kelinmoqda.
Aqliy hujum. Aqliy hujum o’qituvchi qo’ygan savol yoki muammo yuzasidan har bir o’quvchi o’z fikrini bayon etishga imkon beruvchi o’quv uslubidir. Uslub mohiyati «Bir kalla yaxshi, yigirma beshtasi undan yaxshi» printsipi buyicha O’qituvchi tomonidan belgilangan muammo yoki savol yuzasidan ehtimol tutiladigan hamma fikrlar variantini bir yerga jamlay olishda bo’lib, istisno tariqasida ta’lim oluvchilarning barcha fikrlari, jumladan, aytarli to’g’ri bo’lmaganlari ham inobatga olinadi. Bayon etilgan fikrlar keyingi tahlilda o’quvchilarning qo’yilgan savol yoki muammoni to’g’ri tushunishlariga imkon beradi.
Qo’llanilishi:

• 
  savol, topshiriq yoki muammoni hal qilishda fikrlarni erkin aytishda;
  
• 
  muammoni hal qilish qobiliyatini oshirishda;
  
• 
  o’quvchilarning faolligini oshirishda;
  
• 
  fanga kirish va asosiy mavzu mazmunini bilib olishda.
  

Afzalligi:

• 
  aytilgan fikrlar tanqid va muhokama qilinmasligi yoki baholanmasligi;
  
• 
  o’quvchilarni mazmunning ilmiyligiga chuqurroq jalb qilinishi;
  
• 
  belgilangan vaqt doirasida barcha xohlovchilarga uz fikrlarini bayon etish imkoniyatining berilishi.