Astanaqulova zuhraxon baxtiyorjon qizi

Texnika vositalari yordamida dars o’tish. O’qituvchiga dars berishda yordam beruvchi asosiy qurol darslik, unga yozilgan metodik qo’llanma, savol va masalalar hamda mashqlar to’plami, didaktik materiallar va hokazolar. Shular qatoridan yaxshi o’rin olgan texnika vositalardir. Ya’ni kino apparatlari, video, kodoskop va boshqalar. Ko’z bilan ko’rib, quloq bilan eshitishga yordam beradigan bunday asboblar o’quvchilarning bilim olish samaradorligini oshiradi.
Darslarda kasbga yunaltirish. Mavzuni o’quvchilar qiziqqan kasblarga bog’lab o’tish bolaning usha kasbga bo’lgan qiziqishini orttiradi. Bunda o’quvchi darsni diqqat bilan tinglaydi. Uzi ham keyingi darsda qiziqqan kasbi bo’yicha biron narsa aytib bershga intiladi. Turmushda va texnikada ko’rgan amaliy ishni kasbiga bog’lashga urinadi. Natijada o’quvchida fanga, kasbga bo’lgan qiziqish ortib boradi.
Eksperimental darslarini o’tishi. O’quv jarayonini jonlashtirish hamda o’quvchilarning fizika, kimyo, biologiya darslarida mustaqil ish olib borishini tahminlashda tajribaviy dars o’tish metodi yaxshi natija berishi bilan birga ularning texnik ijodkorligini oshirishga yordam beradi. O’quvchilar amallarning asosiy jarayonlarini o’z ko’zilari bilan ko’radilar. Hosil bo’lgan natijalarni mustaqil tahlil qilib, tegishli xulosa chiqaradilar.
Fizika, kimyo va biologiya fanlaridan o’tkazilgan laboratoriya ishlari o’quvchilarga hodisalarni chuqurroq tekshirishga va o’rganishga, uning zamonaviy asboblar, o’lchash natijalariga matematik ishlov berish metodlari bilan tanishishga, ijodiy izlanish ko’nikmalari olishga imkon beradi.
Eksperimental dars o’tishdan maqsad nazariy bilimni mustahkamlash va chuqurlashtirish hamda asboblar bilan amaliy ishlash, olingan natijalarni hisoblash, ularni tadbiq qilish ko’nikmalarini oshirishdir.
Bahs-munozara darsi. Mazkur usulda o’quvchilarga bir kun oldin mavzu beriladi. O’quvchilar mavzuni o’qib, savollarga javob topib, guruhlarda usha savollarga javoblar bahs-munozara asosida olib boriladi. Yoki biror masala sinf taxtasida ishlanadi va uning 2,3 variantlari bor bo’lsa bahs-munozara tarzida ishlanadi. Bunda o’quvchilarning faolligi oshadi, o’zini erkin tutadi.