Analitik kimyo

6J^- + Cr₂O₇^2- + 14H⁺ → 2Cr³⁺ + 3J₂ +7H₂O

oxiriga yetishi uchun 5 daqiqa saqlanadi. So‘ngra kolbaga taxminan 200 ml suv solib, ajralib chiqqan yod standartlanadigan natriy tiosulfat eritmasi bilan to‘q qo‘ng‘ir rangli eritma och sariq rangga kirguncha titrlanadi. Shundan so‘ng bu eritmaga 3-5 ml kraxmal bo‘tqasi eritmasi qo‘shilib, eritmaning havo rangi och yashil rangga kirguncha titrlash davom ettiriladi. Titrlash 3-4 marta takrorlanadi. Bunda titrlashga sarf bo‘lgan tiosulfat hajmining farqi 0,1 ml dan oshmasligi kerak.

Titrlash natijalari yuqoridagi tartibda laboratoriya jurnalida qayd qilinadi. Natriy tiosulfatning normalligi yuqoridagi tartibda hisoblanadi.
6-laboratoriya ishi

KOMPLEKSONOMETRIYA

Kompleksimetriya usulida turli xil kompleks birikmalar hosil qiladigan moddalarni aniqlash mumkin. Kompleks hosil qiluvchi moddalarning turlariga ko’ra kompleksimetriya usullari kompleksonometriya, merkurimetriya, ftorometriya va boshqa usullarga bo’linadi. Bu usullar orasida kompleksonometrik usullar eng ko‘p tarqalgan va ular boshqa usullarga ko‘ra talaygina afzalliklarga ega. Bular qatoriga hosil bo‘ladigan komplekslarning barqarorligi kompleksonlarning nisbatan arzonligi va eng muhimi xavfsizligi singarilar kiradi.

Kompleksonometrik titrlash metall kationlarining kompleksonlar bilan kompleks birikma hosil qilish reaksiyasiga asoslangan. Bunda juda barqaror, suvda yaxshi eruvchan ichki kompleks birikmalar hosil bo‘ladi. Titrimetrik analizda asosan komplekson III yoki trilon В deb ataladigan natriy digidro-etilendiamintetraatsetat (EDTA) tuzi ishlatiladi. Komplekson III ning molekulyar formulasi quyidagicha:

Bu moddaning ionlanish konstantasi katta bo‘lib, metallar bilan hosil qilgan kompleksining barqarorligi metallarning xususiyatiga bog‘liq. Ichki kompleksning hosil bo‘lishida metall ioni karboksil gruppadagi vodorod atomining o‘rnini egallaydi, azot atomi bilan esa koordinatsion bog‘ hosil qiladi. Ajralgan vodorodni bog‘lash uchun reaksiya ammiakli bufer aralashma ishtirokida olib boriladi. EDTA ni qisqacha shaklda ifodalasak, reaksiya tenglamasi quyidagicha bo‘ladi: