Analitik kimyo

O’lchov kolbasini darajalash natijalarini hisoblash:

1. Kolbadagi suvning massasi, g. Suvning temperaturasi, °C.

2. O‘lchangan temperaturada aniq hajmli kolbadagi suvning massasi, g. (Ma’lumotnomadan olinadi).

3. Suvning tajribada o’lchangan massasi va ma’lumotnomadan olingan suv zichligi asosida hisoblangan massalarining farqi, g.

Pipetkaning haqiqiy sig‘imini tekshirish. Kichik kolba (50 yoki 100 ml hajmli) analitik tarozida 0,001 g aniqlikda tortiladi. Boshqa idishdan pipetka bilan distillangan suv olinadi. Suv sathi pipetka belgisidan yuqorida bo’lishi kerak, pipetkaning pastki qismi filtr qog‘oz bilan quritilib, undan so‘ng belgisiga keltiriladi va analitik tarozida tortilgan bo‘sh kolbaga quyiladi. Kolbaning bo‘g‘zi tiqin bilan berkitilib, yana analitik tarozida 0,001 g aniqlikda tortiladi. Suvning massasi massalar farqidan topiladi. Tajriba bir necha marta takrorlanadi va o‘rtachasi olinadi. Natijalar orasidagi farq 0,005 g dan ortiq bo’lmasligi kerak. Pipetkaning sigimi xuddi o’lchov kolbasining sigimini o’lchashdagi kabi hisoblanadi.