Allayarov A. I. O’rmonov H. B. O‘zbekistondagi ziyoratgoh obidalar

Baroqxon madrasasi

XX asr boshlaridagi taʼmir vaqtida qadimgi bezaklarning qoldigʻi koʻchirib tashlanib, oq ganch bilan suvalgan. Baroqxon madrasasi naqshlarining goʻzalligi, qurilish uslubi jihatidan Samarqandning eng yaxshi meʼmoriy yodgorliklari (XV asr ikkinchi yarmidagi Oq saroy va Ishratxona)ga yaqinlashadi. 1946, 1949, 1951, 1967 yillarda taʼmir ishlari olib borilgan. Baroqxon madrasasida Oʻzbekiston Musulmonlari idorasi joylashgan.¹³

Xoʻja Alambardor maqbarasi. Toshkentdagi meʼmoriy yodgorlik (XIX-a.); Kamolon qabristonida. Xoʻja Abdul Aziz Alambardor (alambardor - bayroqdor) nomi bilan maʼlum boʻlgan shaxsga atab qurilgan. Maqbara gʻishtdan bezaksiz

Xo’ja Alambardor maqbarasi

qurilgan. Peshtoqgumbazli, toʻrtburchak tarhli (8,87×8,0 m), balandligi gumbazi bilan 10,3 m. Peshtoq orqali murabba tarhli (6,08×6,08 m) xonaga kiriladi. Xonaning gumbaz osti bagʻallaridagi gʻishtlar mavj usulida terilgan. Maqbara sharqidan 9 m naridagi chillaxona yer ostida joylashgan boʻlib, chortoq tarhli fonusi yer yuziga turtib chiqqan, ichki devorlari chuqur ravoqli. Unga zinapoya orqali tushiladi. XIX asr. Bu maqbara Islom dini arboblaridan Xo’ja Abdul

Aziz Alambardor nomi bilan bog’liqdir. Islom fotihlari hijriy 135-145 yillar oralig’ida qadimgi Choch (Shosh - hozirgi Toshkent) shahriga kelganida lashkarning bayroq ko’taruvchisi alambardori Abdul Aziz - Samarqand darvoza tashqarisiga Islom tug’ini qadagan. O’sha joy hozirgi Xo’ja Alambardor qabristonining o’rtasi bo’lib, keyinroq bu erda bir sag’ana qurilgan. Xo’ja Alambardor Abdul Aziz umrining oxirgi yillarini Isfijob (Sayram)da o’tkazadi va o’sha yerda vafot etadi. Keyinroq uning qabri yon atrofiga Ahmad Yassaviyning ota-onalari ham qo’yilgan. Demak, mazkur maqbarada Xo’ja Alambardorning o’zi yo’q. Ammo ichida katta-kichik beshta qabr mavjud. Maqbara bir necha marta qayta tiklangan. Ichida o’sha vaqtda qo’yilgan Islom bayrog’i tug’i hamon saqlanadi. Tug’da «Alloh» va «Muhammad» so’zlari yozilgan.¹⁴