A qodiriy nomidag jizzax davlat pedagogika instituti biologiya va uni o

4- guruh


Hushidan ketgan go’dakka nafas yo’llari butunlay o’tkaza olmay qolganida
birinchi yordam ko’rsatish
Avvalo hodisa yuz bergan joy xavfli emasligini tekshiring. Go’dakning hushi joyidaligini tekshiring, baland ovoz bilan go’dakning nomini aytib chaqiring, agar sezmasa, badanini chimchilab ko’ring. Nafas yo’llarini oching va nafasning bor-yo’qligini tekshiring, go’dakning boshini bir oz orqasiga eging va iyagini bir oz ko’taring. Nafasni bilish uchun ko’rish, eshitish va his etish yo’llaridan 5 sekund davomida foydalaning. Go’dakni qattiq yassi joyga orqasi bilan yotqizing
Agar go’dak nafas olmasa 2 marta puflash o’tkazing. Buning uchun boshini orqasiga egib turing va go’dakning og’zi va burnini labingiz bilan yaxshilab yoping. 1-1,5 sekund davomli 2 marta puflash o’tkazing. O’pkaga nafas o’tayotganiga ishonch hosil qilish uchun ko’krak qafasining ko’tarilishini kuzating. Uning boshini yana orqaga eging, labingiz bilan uning og’zi va burnini yaxshilab yoping va 2 marta puflang. Agar havo shunda ham o’pkaga o’tmasa tez yordamni chaqiring.

Go’dakning yuzini pastga qilib to’nkaring, uning boshi va bo’ynini ushlang. Uni bilagingiz ustiga qo’yib, yuzini pastga qarating, boshi gavdasidan pastda bo’lsin. Orqasiga 5 marta urib-urib qo’ying. Soningiz ustiga qo’yib, qo’lingizga yotqizing. Ikkinchi qo’lingizning kafti bilan go’dakning kuraklari o’rtasiga 5 marta urib-urib qo’ying. Go’dakni orqasi bilan yotqizing, boshi va bo’ynini ushlang. Go’dakni tizzangiz ustiga orqasi bilan yotqizing, boshini gavdasidan pastda qilib ushlang. Ko’kragiga 2 sm chuqur botadigan qilib 5 marta bosing. Og’iz bo’shlig’ida yot jismlar borligini tekshiring. Buning uchun bosh barmoq bilan tilini pastki jag’ga tomon bosing va uni bir oz siljiting. Agar og’zida yot jism borligini ko’rsangiz, bukilgan barmog’ingiz bilan uni bir harakat bilan olib tashlang. Ehtiyot bo’ling, yot jismni tomoq tomonga surib yubormang. Nafas yullarini oching va 2 marta puflang. Buning uchun go’dakning boshini orqasiga eging va iyagini bir oz ko’taring. Labingiz bilan go’dakning og’zi va burnini yaxshilab berkiting. 1-1,5 sekund davomida 2 marta puflang. Agar havo o’pkaga o’tmasa, quyidagi holatlar yuz bermaguncha orqasiga urib-urib qo’yish, ko’krakni turtish va og’izga puflash ketma-ketligini takrorlang:

• yot jism chiqib ketmaguncha;
• go’dak nafas ola boshlaguncha yoki yo’tala boshlaguncha;
• tez yordam yetib kelguncha. Agar havo o’pkaga o’tayotgan bo’lsa, nafas va tomir urishi bor-yo’qligini tekshiring.
Agar nafas olishi aniqlanmasa, o’pkaga sun’iy ventilyastiyalash o’tkazing. Agar go’dakda tomir urishi aniqlanmasa, yurak-o’pka reanimatsiyasi o’tkazishni boshlang. Agar nafas va tomir urishi tiklansa, go’dakda kuchli qon ketish borligini tekshiring, agar aniqlansa, uni to’xtatish chorasini ko’ring.
Agar tez yordam chaqirilmagan bo’lsa, zudlik bilan chaqiring va brigada yetib kelishini kuting.