A qodiriy nomidag jizzax davlat pedagogika instituti biologiya va uni o

2-guruh
Bo’g’ilish belgilari va alomatlari
Katta yoshdagi jabrlanuvchi, odatda, bo’g’ilib qolganini imo-ishora bilan ko’rsata oladi. Go’daklar yoki bolalar to’satdan nafas ololmasa, ehtimol, nimadandir bo’g’ilgan bo’ladi. Bunday vaziyatda keyingi bo’limda bayon etilgan tartibda yordam ko’rsatishni boshlang. Agar siz nafas olishi aniq bo’lmagan hushsiz kishini ko’rib qolsangiz, uning bo’g’ilganligini bilmasangiz ham birinchi yordamni ko’rsatishingiz mumkin. Bunday holatdagi barcha jabrlanuvchilarga birinchi yordam ko’rsatishdagi boshlang’ich harakatlar bir xil bo’ladi. Siz o’pkaning sun’iy ventilyatsiyasi chog’ida nafas yo’llari o’tkaza olmasligini tezda payqay olishingiz mumkin. Chunki havo ichkariga erkin o’tmaganligidan ko’krak qafasi ko’tarilmaydi. Bunday vaziyatning bayoni ushbu bobda keltirilgan.
Es-hushi joyida bo’lgan katta yoshdagi jabrlanuvchilarning qorniga turtish.
Kimdir yot jismlar kirgani tufayli bo’g’ilgan bo’lsa, sizning vazifangiz iloji boricha tezroq nafas yo’llarining o’tkazuvchanligini ta’minlashdan iborat.
Bunday holda birinchi yordam ko’rsatish qoringa turtish yoki Geymlix usuli deb ataladigan yo’lni qo’llashga asoslanadi. Keskin turtkilar natijasida yot jism nafas yo’llaridan xuddi shampan shishasidagi po’kak singari otilib chiqadi. Qo’llaniladigan usul jabrlanuvchining es-xushiga, yoshiga, go’dak yoki bolaligiga bog’liq.
Qoringa turtish o’pkadagi havo nafas yo’llaridagi yot jismni surib chiqarishga majburlab, yo’tal qo’zg’aydi.
Semiz odamlar va homilador ayollar uchun boshqa usullar qo’llaniladi.

Agar siz qoringa turtish uchun jabrlanuvchini quchoqlab olish imkoniga ega bo’lmasangiz yoki agar jabrlanuvchi homilador ayol bo’lsa, ko’krakka turtki bering.
Es-hushi joyida bo’lgan katta yoshdagi jabrlanuvchilarning ko’kragiga turtish
Ba’zi hollarda kattalarga bo’g’ilganda birinchi yordam ko’rsatilayotganda qorniga emas, balki ko’kragiga turtiladi. Siz jabrlanuvchini to’la kuchoklab ololmagan yoki u homiladorlikning so’nggi bosqichidagi ayol kishi bo’lgan hollarda ko’krakka turtki berish lozim. Buning uchun siz uning orqasiga turing va qo’llarni jabrlanuvchining qo’ltig’idan o’tkazib, ko’krak qafasini quchoqlang. Qoringa turtgandagi kabi bir qo’lingizni musht qiling va uni bosh barmoq tomondan ko’krakning o’rta qismiga siqing. Mushtingiz qovurg’alarda emas, balki ko’krakning markazida bo’lsin. Shuningdek, u ko’krakning pastki qismida bo’lmasin. Mushtni ikkinchi qo’lning kafti bilan ushlab ichkariga yo’nalgan holda turting. Yot jism chiqib ketmaguncha, jabrlanuvchi nafas olmaguncha, kuchli yo’talmaguncha yoki es-hushini yo’qotmaguncha shunday turtishlarni takrorlang.