73-savol Zigomitsetsimonlar sinfi

Pitumdoshlar – Pythiaceae

Bu oilaga oid zamburug’larning tuzilishi juda sodda. Suvda van am tuproqlarda saprotrof va parazitlik qilib yashaydi. Ularning vegetativ tanasi 3 mkm qalinlikda, hujayrasi mitseliydan iborat. Mitseliy muhit ichida va sirtida o’sadi.

Tabiatda Pitium turkumining 140 ga yaqin turi mavjud. Ular nam tuproqlarda, chuchuk hamda dengiz suvlarida keng tarqalgan.

Peronosporadoshlar oilasi – Peronosporaceae

Bu oilaning keng tarqalgan turkumi fitoftoro. Fitoftora vakillari kartoshka tugunaklarida, pomidor, meva barglarida va ituzumdoshlarning boshqa turlarida parazitlik qiladi. Fitoftora bilan kasallangan kartoshka barglarida qoramtir, qo’ng’ir dog’chalar paydo bo’ladi,. Yog’ingarchilik tez-tez bo’lib turgan kunlarda kartoshka tugunaklari 7-10 kunda butunlay chirib ketadi.

Fitoftora birinchi marta Yevropaga 1845-yilda Amerikadan o’tgan bo’lib, kartoshkaning ashaddiy zararkunandasi hisoblanadi. Bu parazitni dastlab 1861-yilda De-Bari o’rgangan.

O’zbekistonda mazkur zamburug’ kamdan-kam uchraydi, chunki yoz mavsumi seryog’in bo’lmaydi. Fitoftoraning boshqa turlari 200 dan ortiq gulli o’simliklarga parazitlik qilib, yer yuzi bo’ylab tarqalgan

Peronospora turkumi turlari ham ko’p bo’lib, sporangiy bandi dixomatik shoxlangan. Sporangiysi zoosporalar hosil qilmasdan mitseliyga yoki konidiyaga aylanadi.Konidiyalarning hosil bo’lishi ularning quruq sharoitda yashashga moslashganligidan dalolat beradi.