7-мавзу. Қурилиш материалларини саралаш учун технологик ускуналар. Р е ж а

Рейкали саралагичлар. Қуйқа идишдаги қобиқгача берилади. Йирик заррачалари қобиқнинг тубида чўкиб қолади, майда заррачалари эса ариқчалар орқали сув билан қуйилади. Идишда чўкиб қолган йирик заррачаларни қиргичлар билан юк туширгичларга туширилади, ажратилади ва саралагичдан чиқариб ташланади. Рейкали саралагичларни иш унумдорлиги 1,55 дан 50 кг/с гача тебраниб туради.
Идишли саралагичлар қуйидагича тузилган: Рейкали саралагични устига ўрнатилган цилиндрик идишдан иборат. Идишнинг қобиғида вертикал валдан ташкил топган аралаштиргич жойлашган, унга сузгичлар билан крестовинага маҳкамланган. Қуйқа идишга таъминлагич орқали берилади, қайсики тубида ўлчамли тешикларга эга.
Йирик фракциялар идишда чўкиб қолади ва рейкали саралагичга юк туширувчи тешиклар орқали ўтади. Тарелка саралагич идишидаги кукунларни тақсимлаш учун мўлжалланган. Рейкали саралагичнинг ишлаши юқорида келтирилган. Саралагичлар диаметри 2400 ва 3600 мм идишларга эга ва иш унумдорлиги 4,4 ва 7,6 кг/с га тенг. Қиргичли рамаларни юриш сони 1 минутда 0,2 – 0,5 га тенг. Электродвигателнинг қуввати эса 6,2 ва 12,8 кВт га тенг.
Дражли саралагичлар қуйидагича тузилган: Идишдан, қиргичли занжирдан ва йирик фракцияларни узатиш учун ариқчадан иборат. Майда фракция остона орқали қуйилади. Занжир, электродвигатель, редуктор ва тасмали узатгич орқали ҳаракатга келади. Қуйқа кирувчи патрубок орқали берилади, майда заррачалар остона орқали қуйилади, йирик заррачалари идишда чўкиб қолади ва қиргичлар орқали идишнинг қия қисмига кўтарилади. Бу ерда заррачалар вақти-вақти билан ажратилади ва юк туширувчи ариқчалар орқали саралагичдан чиқарилади. Дражли саралагичнинг иш унумдорлиги 8,3 кг/с га, қуввати 1,7 кВт га ва занжирнинг тезлиги эса 0,17 м/с га тенг.
Саралаш ва ювиш учун машиналар танлаш. Саралаш учун танланган элаклар ва бошқа аппаратларнинг турлари ва ўлчамлари талаб қилинаётган иш унумдорлиги, саралаш материалига қўйилган сифат ва натижавий маҳсулотнинг фракциялари сонига қараб танланади. Иккита турли тебратувчи элакларда майдаланган материал йириклиги бўйича бир неча навларга бўлинади: маркази силжиган ёки инерцион. Материалдан тўрт хил ёки ундан кўпроқ навини олиш учун бир ёки иккита турли элакларни ўрнатиш мақсадга мувофиқ бўлади, учта турли элакларни ишлатиш жуда қийин бўлади.
Маркази силжиган элаклар, ўлчами 50-60 мм бўлган материалларни яхши саралайди, инерцион элаклар эса кўпроқ майда, ўлчамлари 40-50 мм бўлганларини. Тебратувчи элаклар, цемент заводларида ҳўл қоришмаларни элаш учун қўлланилади. Қум ва тошларни ювиш учун дражли қум ювгичлар ва парракли тош ювгичлар ишлатилади. Камерали, спиралли ва конуссимон саралагичларда, қумларни саралаш ва гидравлик ювиш амалга оширилади.
Гидравлик саралагичлар материалларни ҳўл равишда майдалаб (кукунлаб), талаб қилинаётган майдаликдаги кукун заррачаларини олишда қўлланилади. Гидромеханик саралагичлар материалларни ювишда ва уларни бойитишда ишлатилади.
Назорат учун саволлар:

1. Саралаш вазифалари нималардан иборат?

2. Саралаш усуллари қандай амалга оширилади?
3. Механик саралаш усулига таъриф беринг?


Адабиётлар:

1. Сатторов З.М. Қурилиш индустриясининг механик ускуна ва машиналари. Ўқув кўлланма. – Т.: 2019. – 294 б.

2. Ильин А., Булгаков С., Богданов В. «Технологические комплексы и механическое оборудование предприятий строительной индустрии». – М.: Проспект Науки, 2010. – 336 с.