4-мавзу: туризм соҳасидаги хизматлар ва маҳсулотлар маъруза машғулоти режаси туризм соҳасида жойлаштириш хизматлари маъруза машғулоти режаси

Хизматлар пакети (тўплами)
Амалиётда асосий туристик маҳсулот бу хизмат кўрсатиш мажмуасидир, яъни туристларга ягона пакетда сотилувчи хизматларнинг стандарт тўплами. Хизматлар пакети (тўплами)-туроператор томонидан яратилган бўлиб, маълум хизматлар тўпламидан: ташиш, жойлаштириш, овқатланиш, экскурсиялар ва ҳ.к.дан иборат туристик маҳсулотдир. Турдаги хизматлар пакети турист томонидан танланган туристик дам олиш тури бўйича уларнинг эҳтиёжлари ва саёҳат мақсадидан келиб чиққан ҳолда шакллантирилади. Тур ва унинг пакетини шакллантиришда туристлар билан ишлашнинг икки варианти мавжуд:
а) буюртмали турлар сотилиши;
б) инклюзив турлар сотилиши.
Буюртмали тур. Буюртмали турларни сотишда дастурни шакллантириш ва хизматлар таркибини яхлитлаш турист хоҳишига биноан, унинг бевосита иштирокида амалга оширилади. Туристга таклиф этилаётган дам олиш масканида турли хил тур хизматларнинг ҳар бири бўйича турли хизмат кўрсатиш вариантлари таклиф этилади:

• 
  жойлаштириш-жойлашган жойи ва тури, даражаси бўйича турли хил меҳмонхоналар;
  
• 
  овқатланиш-турли вариантлар (тўлиқ ёки ярим пансион, ёки умуман овқатланишсиз) швед столи ёки «а ля кард» ва ҳ.к.;
  
• 
  экскурсиялар ва кўнгилочар хизматлар;
  
• 
  транспорт хизматлари – авиаучиш вариантлари, темирйўл ташувлари, автомобил ижараси ва ҳ.к.;
  
• 
  спорт ва даволаниш курорт хизматлари;
  
• 
  виза хизматлари, шунингдек, суғурта хизматлари.
  

Юқорида айтилганидек, бундай турларни тузишда туристнинг ўзи бевосита иштирок етиши ҳам мумкин.
Турист томонидан танланган хизматлар тур дастурда шакллантирилади, нархи ҳисобланади, уни турист турпакетга эга бўлгач тўлайди. Одатда бундай буюртмалар агентликларда шакллантирилади ва сўнг жорий қилиш учун туроператорга йўналтирилади. Буюртмаларни тез ва сифатли таъминлаш учун бугунги кунда халқаро туризмда турагентликлар ва операторлик компаниялари томонидан замонавий компютер технологияларидан фойдаланмоқда. Халқаро туризмда пакетни яхлитлаш муаммолари, нархни ҳисоблаш ва турни сотишни оператив ҳал қилиш учун компютер ва телефакс алоқасидан кенг фойдаланилади.