2. Raqamli turizmning mazmuni va rivojlanish xususiyatlari O‘zbekistonda raqamli turizmni rivojlantirish salohiyati va hozirgi holati tahlili

2-jadval
Mamlakatimizga xorijdan kelgan va mamlakatimizdan xorijga ketgan fuqarolar soni dinamikasi⁵
(ming kishi)

	2014 yil	2015 yil	2016 yil	2017 yil	2018 yil	2019 yil
Mamlakatimizga xorijdan kelganlar soni	1938,0	2034,3	2157,7	2847,9	6433,0	8279,0
Mamlakatimizdan xorijga ketganlar soni	4225,9	4868,6	5310,0	6823,9	13838,6	12932,6

Ma’lumotlardan ko‘rinib turibdiki, respublikamizga turistik safarni amalga oshirgan fuqarolar soni yillar bo‘yicha o‘sish ko‘rsatkichiga ega.

Turistlar oqimining ortishi tendensiyasiga Qozog‘iston, Rossiya, Tojikiston hamda Yevropaning boshqa davlatlari bilan iqtisodiy hamkorlikning yanada kengayishi asosiy omil bo‘lmoqda.
Shuningdek, quyidagi diagrammadan 2019 yilda chet elga ketgan O‘zbekiston Respublikasi fuqarolari soni 12932,6 ming kishini tashkil etganligini ko‘rishimiz mumkin.

1.1-rasm. Mamlakatimizga xorijdan kelgan va mamlakatimizdan xorijga ketgan fuqarolar soni⁶
Shunday qilib, so‘nggi yillarda mamlakat milliy iqtisodiyotining strategik tarmoqlaridan biri sifatida turizmni rivojlantirish bo‘yicha kompleks chora-tadbirlar izchil amalga oshirilmoqda, bu esa uning tez rivojlanishi, yangi ish o‘rinlarini yaratish, daromadlarni ko‘paytirish, aholi turmush darajasi va sifatini yuksaltirish, shuningdek, investitsion jozibadorligini oshirishga qaratilgan.
Turizm xizmat ko‘rsatishning yetakchi sohasi sifatida mijozlarga xizmat ko‘rsatishning zamonaviy innovatsion shakllari va texnologiyalarini talab qiladi. Shu sababli turizm sanoatini tarqqiy ettirish mamlakat iqtisodiyotini rivojlantirish yo‘nalishlaridan biri hisoblanadi.