17-Mavzu: Elektr ta’minot tizimlarining rele himoya qurilmalari

Nonormal rejimlar
Nonormal rejimlar deb tok kuchi, kuchlanish va chastota qiymatlarini chegaradan chiqib ketishi yoki qurilma va elektr tizimini turg’un ishlashiga xavf tug’ilishiga aytiladi.

Xarakterli nonormal rejimlar:

a) Qurilmaning o’ta yuklanishi, ya’ni tokning normadan juda oshib ketishi;

b) Chastotani pasayishi, ya’ni generatorning quvvatini etishmasligi, bu hol odatda bir qism generatorlarning birdaniga o’chishi bilan bog’liq.

Chastotani chuqur pasayishi (45-47 Gst) og’ir avariya holati xisoblanib, energetik tizimning ishlashini to’liq to’xtashiga olib keladi.

v) Kuchlanishning oshishi, ya’ni generatorning yuklarini birdaniga o’chirilishi natijasi. Yuki engillashgan generator tezroq aylanadi va bunda statorning e.yu.k.si izolyastiyani teshish darajasidagi qiymatiga etadi.