1-Mavzu: XI xv asrlarda Angliya Mustahkamlash uchun savollar

Benefitsial tizimning vujudga kelishiga qaramay Germaniyada hali feodal ierarxiya yuzaga kelmagan, martabalar merosiyligi (masalan: graflik martabasi) mavjud emasdi. Nemis feodallari yer jihatidan qaram bo’lgan, lekin shaxsan ozod bo’lgan dehqonlarni sud qilish, shuningdek o’z sudlarida yirik jinoiy ishlar (o’t qo’yish, qotillik)ni ko’rishga xaqlari bo’lmagan. X asr boshlariga kelib nemis feodallari shaxsan ozod bo’lmagan dehqonlarnigina sud qilish huquqiga ega bo’lgan edilar.

1073-yili Saksoniyada qo’zg’olon avj olib ketadi. Saksoniyada X-XI asrlarda feodallarning turli guruhlari dehqonlarning chek yerlari va ulardan keladigan daromadlari uchun o’zaro kurash olib boradilar. Qirollik hokimiyati daromadlarning bir qismini o’z qo’liga olishga intilib bu kurashga aralashadi. Qirol Genrix IV (1056-1106) Saksoniyani qirolning shaxsiy mulkiga (domeniga) aylantirishga qaror qiladi. Yirik sakson feodallari Genrix IV ning siyosatidan norozi edilarki, buning asosiy sababi qirol ministeriallarining (lotincha ministerium so’zidan - mansab) Saksoniyada mustahkamlangan harbiy punktlar-burglar qura boshlashlari, sakson feodallari mulklarini to’g’ridan - to’g’ri musodara qilinishi edi. Qirol ministeriallari bu yerda ozod dehqonlarni barshchina o’tashga va yaylovlardan foydalanganliklari uchun soliq to’lashga majbur qila boshlaydilar.