1-мавзу ҳУҚУҚшунос мутахассис шаклланишида замонавий иш кўникмалари ва компетенцияларнинг роли

12-мавзу
ҲУҚУҚШУНОС ФАОЛИЯТИДА ТАНҚИДИЙ ФИКРЛАШНИНГ АҲАМИЯТИ
Казуслар

1. 
   Танқидий фикрлашнинг илдизи қадим замонларга бориб тақалади. Бу жуда муҳим кўникма бўлиб, воқеликка нисбатан 100 фоизлик ишончга ҳам шубҳа билан қарашдир. Инсон ҳар доим ўзига “Нима учун?” деган саволни беришни билиши керак. Инсоннинг барча мавжудотлардан юксак жихати бу унинг фикрлашида. Фикр тарбияси энг керакли кўникмалардан биридир. Танқидий фикрлаш деганда кўпчилик танқид қилишни тушунади. Бироқ бу бундай эмаслиги сизларга маълум.
   

Сизнингча, танқидий фикрлаш кўникмаси юристлар учун муҳимми? Ушбу кўникмани қандай ривожлантириш керак? Жавобларингизни мисоллари билан изоҳланг.

2. 
   Тўғри қарор – муваффақиятнинг ярми. Тадқиқотларга кўра, бизнинг тақдиримизда уч йўналишдаги қарорларнинг ўрни жуда юқори экан. Буларга: диққат эътиборни нимага қаратишга оид қарорлар; ҳаётингизда муҳим аҳамиятга эга нарсаларга оид қарорлар; хоҳиш-эҳтиёжлар учун қилинган қарорлар. Халқ орасида “Дарахтни ҳеч қачон қишда арралама. Вазият кескинлигида салбий қарор қилма. Муҳим қарорни кайфиятинг ёмонлигида чиқарма. Идрок қил. Кут ва сабрли бўл”, деган нақл бор.
   

Сиз қарор қабул қилишда идрокка суянасизми? Доим ҳам қарорларингиз тўғри бўладими? Ахир, қарор қабул қилиш ҳам маҳорат ҳисобланади-ку. Ҳаётда қанчалик кўп муҳим қарорлар қабул қилгансиз?

3. 
   Танқидий фикрлаш – энг мақбул ҳаётий кўникмалардан биридир, чунки у самарали ва асосли қарор қабул қилиш имкониятини беради. Танқидий фикрлаш қобилияти биз тўғри танлов қилишимиз ва муайян вазиятда тегишли қарорлар қабул қилишимиз мумкинлигини таъминлайди. Америкалик психолог Девид Клустер танқидий фикрлашнинг хусусиятларини қуйидагича белгилайди: бу мустақил фикрлаш; ахборот бошланғич ва фикрлаш жараёнининг якуний нуқтаси эмас; саволлар бериш ва ҳал қилиниши керак бўлган муаммоларни тушуниш билан бошланади; кучли далилларни талаб қилади; бу ижтимоий фикрлаш.