1-мавзу ҳУҚУҚшунос мутахассис шаклланишида замонавий иш кўникмалари ва компетенцияларнинг роли

Казуслар
1. “SMARTER” технологиясида келтирилган R – (reasonable – “оқилона”) мезони ўзига хос муҳим аҳамиятга эга. Зеро,ҳуқуқшуноснинг ўз олдига қўйган мақсади албатта оқилона бўлиш билан бошқа шахсларга ҳам фойдаси тегиши керак, бунда у ўз имкониятларини тўғри баҳолашни ҳам четда қолдирмаслиги лозим.
Энг муҳими – бу мезон ҳуқуқшунос ўз олдига қўйган мақсади томон қатъий ирода ва виждон билан (ўз иродасини ишга солган ҳолда) ҳаракатланишини англатади.
Топшириқ: Сиз ўз мақсадингизни “SMART” ҳамда “SMARTER” технологиялари асосида баён этинг ва қўйилган мақсадга эришишда ҳаракатларингиз оқилоналик талабларига мувофиқ келишини исботлаб беринг.

2. “Уч Ҳарвард саволи” сизга тўлиқ рад этиш ёки бошқа бир ходимга юклаш мумкин бўлган нисбатан қадрсиз вазифаларни аниқлаш, шунингдек, муҳим ишларни бажаришнинг энг самарали усулларини топиш имконини беради.

Катта мақсадлар сари илдам интилаётганда сизга халақит бериб, вақтингизни ўғирлаётган вазифалардан ҳолос бўлишни ўрганиш зарур.
Топшириқ:Кундалик режалаштирилган кичик мақсадларга эришишда, бирламчи ва иккиламчи вазифаларни адо этишда “УчҲарвард саволи” методикасини амалий мисоллар ёрдамида ёритиб беринг.

3. Талаба Олимова кун бошида ўзининг кундалик режаси сифатида қуйидагиларни белгилаб олди:

1. 
   Маъмурий ҳуқуқ фанидан жорий назоратни топшириш.
   
2. 
   Иккита модул доирасида олиб бориладиган амалий машғулотда фаол иштирок этиш.
   
3. 
   Дўстлари билан кинога бориш.
   
4. 
   Гуруҳ мураббийси томонидан айтилган топшириққа биноан “Биз – ёшлар, коррупцияга қаршимиз!” мавзусидаги иншо ёзиб, уни ўқитувчига топшириш.
   

Савол-топшириқ:Талаба Олимова томонидан кундалик фаолиятни режалаштиришда ”SMART” ҳамда “SMARTER” технологиялари, “Уч Ҳарвард саволи”, “вазифаларни бўлишиш”, “100 фоиз” қоидалари инобатга олинганми? Фикрингизни аниқ мисоллар билан асосланг.