1-мавзу ҳУҚУҚшунос мутахассис шаклланишида замонавий иш кўникмалари ва компетенцияларнинг роли

3. Ҳуқуқшунослар жамоаси ишини тўғри ташкил этиш усул ва талаблари.
Қуйидаги бир неча муҳим кўникмалар ва одатларни қўллаш орқали ҳуқуқшунослар жамоаси ишини самарали ташкил этиш, бу жамоада мўътадил муносабатларни ўрнатиш мумкин:

• 
  Ҳамкорликда ишлаш;
  
• 
  Ғоялар, таклифлар ва ҳаракатлар билан гуруҳга ёрдам бериш;
  
• 
  Мулоқот кўникмаси (фикр бериш ва олиш);
  
• 
  Масъулият ҳисси;
  
• 
  Турли фикрлар, одатлар ва шахсий хусусиятларга нисбатан ҳурмат ҳисси;
  
• 
  Гуруҳ қарор қабул қилишида иштирок этиш кўникмаси.
  

Ходимлар билан бир мақсадга эришиш учун биргаликдаги меҳнат барчага фойда келтиради. Иш берувчилар буни турли йўллар билан синаб кўришлари мумкин.
Масалан, иш жойидаги жамоа аъзолари олдиндан режалаштириб, биргаликда ишлаган ҳолда вазифаларни белгилаш, уларнинг бажарилишини баҳолаш ва ўз вақтида раҳбариятга топшириш учун биргаликда ишлашади. Улар турли хил ёндашувлар ва фикрларни ҳурмат билан кўриб чиқиш ва баҳолашга имкон берадиган профессионал мунозараларга эркин кириша оладилар.Ҳатто баъзи ходимлар бошида ўзларига юкланмаган вазифалар ижроси билан ишни якунлашса ҳам, амалга оширилган ишлар жамоавий руҳда бажарилгани ва умумий мақсад билан боғлиқлиги туфайли, бу борада ҳеч қандай шикоят, норозилик туғилмайди.
Юристлар жамоаси лидерининг ўзи ҳам кўпинча жамоа ишини бажарувчи сифатида хизмат қилиши мумкин. Бундай ҳолда, юристлар жамоаси аъзолари муаммо муҳокамасига ўзаро ҳурмат билан киришишади, тайинланган вазифаларни ҳамкорликда бажаришади ва мақсадга эришиш учунгина лидерга бўйсунади. Жамоа лидери, ўз навбатида, аҳил ва эффектив жамоани сақлаб қолиш, уни янада кучайтиришга хизмат қиладиган таклиф ва қарорларни қўллаб-қувватлайди, уларнинг тезроқ рўёбга чиқишига ёрдам беради.
Ҳуқуқшунослар жамоасининг самарадор аъзосига айланишда қуйидаги хусусиятлар муҳим саналади:

1. 
   Ишончлилик.
   
2. 
   Самарали коммуникаторлик.
   
3. 
   Фаол эшитувчилик.
   
4. 
   Иштирок эта олиш хусусияти.
   
5. 
   Очиқ ва ихтиёрий равишда баҳам кўриш хусусияти.
   
6. 
   Ҳамкорлик.
   
7. 
   Мослашувчанлик.
   
8. 
   Меҳнатсеварлик.
   
9. 
   Муаммони ҳал этишдан чўчимаслик.
   
10. 
    Бошқаларга эҳтиром кўрсатиш.