1. Машқда қийналсанг жангда осон бўлади. Илм олиш ҳар бир муслим ва муслима учун фарздир. (Ҳадис)

Металмаслар – Болғаланмайдиган, ялтироқ бўлмаган, иссиқлик ва электр токини дейярли ўтказмайдиган моддалар. Ҳаммаси бўлиб даврий системада 22 та элемент атомлари металмас шулардан, 11 таси (H₂ – водород, N₂ – азот, O₂ – кислород, F₂ – фтор, Cl₂ – хлор, He – гелий, Ne – неон, Ar – аргон, Kr – криптон, Xe – ксенон, Rn – радон) одатдаги шароитда газ моддалар, 1 таси (Br₂ – бром) суюқлик, 10 таси (B – бор, C – углерод, Si – кремний, P – фосфор, As – мишьяк, S – олтингугурт, Se – селен, Te – теллур, I₂ – йод, At₂ – астат) қаттиқ моддалар. Металмаслардан фтор, хлор, бром нисбатан сувда эрийди, қолганлари эса деярли сувда эримайди.
Металлар – Болғаланадиган, ялтироқ, иссиқлик ва электр токини яхши ўтказадиган моддалар. Даврий системадаги қолган барча элемент атомлари металлар. Улардан 1 таси (Hg – симоб) одатдаги шароитда суюқлик, қолганлари қаттиқ моддалар.
Оддий моддалар орасида аллатропия мавжуд.
Аллатропия – Айни бир элемент атомининг турли оддий моддалар кўринишда мавжуд бўлиши. Масалан: Углерод элементи табиатда 4 хил (Олмос – С, Графит – С, Карбин – С, Фуллерен – С₆₀) оддий модда кўринишида учрайди, Кислород элементи 2 хил (Кислород гази – О₂, Озон гази – О₃) кўринишида, Фосфор элементи 3 хил (Оқ фосфор – Р₄, Қизил фосфор – Р, Қора фосфор – Р) кўринишида, Олтингугурт элементи 2 хил (Моноклиник – S, Ромбик – S₂, S₆) кўринишида учрайди яна темир (α – темир, β – темир), қалай (оқ ва кулранг), селен, теллур каби элементлар ҳам турли аллатропик кўринишларга эга. Инерт газлар, галогенлар, ишқорий ва ишқорий-ер металлар, водород каби элементларда аллатропик кўриниши борлиги ҳозирги кунгача исботланмаган. Аллотропик шакллар қуйидагилар билан фарқланади яъни аллотропиянинг сабаблари:

1. 
   Молекуласида атомлар сонининг турлича бўлиши
   
2. 
   Атом орбиталларининг турлича гибридланиши
   
3. 
   Молекуланинг турли фазовий шаклда бўлиши
   
4. 
   Турли кристалл панжара ҳосил қилиши
   
5. 
   Ҳар хил рангда бўлиши ва ҳ.з.
   

ВАЛЕНТЛИК – айни бир элемент атомларининг муайян сондаги бошқа элемент атомларини бириктиш қобилияти. Валентлик тушунчасини Эдуард Франкланд 1854 йил фанга киритган. Валентлик – лотин тилидан олинган бўлиб, куч деган маънони англатади. Элементларни валентлик ҳосил қилиш имкониятига қараб;