№1 Amaliy mashg’lot mavzusi

Mashg’lot mavzusi.


Yopiq shikastlanishlar, ezilish sindromi.
Reja:
1.Yopiq shikastlanishlar haqida ma’lumot.
2.Lat yeyish haqida tushuncha va 1- tibbiy yordam.
3.Boylam va muskullar cho’zilishi, uzilishida 1- yordam.
4.Chiqishida 1- tibbiy yordam.

Kerakli jihozlar :Bint, sovuq suv, ro’mol, spirt, paxta, shinalar, tarqatma materiallar.

Talaba lat egan sohaga sovuq va isituvchi bog’lamlarni qo’yib o’rganadi.
Yopiq shikastlanishlarning turlari:
1)lat yeyish;
2)cho’zilish;
3)uzilish;
4)chayqalish;
5)qisilish;
6)suyaklar chiqishi;
7)suyaklarning yopiq sinishi;
8)uzoq siqilish sindromi;
9)qorin bo’shlig’idagi yopiq shikastlanishlar;
10)ko’krak bo’shlig’idagi yopiq shikastlanishlar;
11)chanoq bo’shlig’idagi yopiq shikastlanishlar.
Lat yeyish deb a'zo va to’qimalarning biror tumtoq narsalarga urilishi natijasida teri butunligining buzilmay zararlanishiga aytiladi. Belgilari: og’riq, shish. Og’riq o’sha zahoti ro’y bersa, shish va qon talashlar 2-3 kundan keyin yuzaga chiqadi. Albatta, mahalliy tana haroratining ko’tarilish ham tabiiy hol. Lat yeyish og’irroq bo’lsa organizmda umumiy o’zgarishlar, tana haroratining oshishi ham bo’lishi mumkin. Davosi: avvalo tinchlik, shikastlanishdan so’ng dastlabki soatlarda shish ko’payib ketmasligi uchun muz va sovuq kompress qo’yish kerak. Shish kamaygandan keyin, ya'ni 2-3 sutkalarda fizioterapiya va issiq muolajalar, keyin massaj va harakat mashqlari tavsiya etiladi. Agar qon to’planib holgan bo’lsa, punksiya qilib olib tashlanadi.
Uzilish bir qator to’qimalarning zararlanishi bo’lib, qarama-qarshi kuch tortilishi natijasida vujudga keladi. Pay cho’zilishi, muskul qon tomir uzilishlari sodir bo’ladi. To’qimalar kuchidan ortiq kuch ishlatilsa, uzilish yuzaga keladi. Uzilish kutilmagan tasodiflarda, ya'ni yugurish, yiqilish, og’ir yuk ko’tarishlarda sodir bo’ladi. Ko’pincha boldir, panja bo’shlig’iga qon quyilishi (gemoartoz), bo’g’im shishib ketishi kabilardir.