Hotam Umurov adabiyot qoidalari

To salomat bu xatar manzilidin solib kom,

Ma’mani vaslg‘a bo’lg‘ay tuta olmoq orom.
DRAMATIK TURNING JANRLARI
Tayanch tushunchalar

Drama. Dramatik turning janrlari: tragediya, komediya, drama; tragikomediya, melodrama, monodrama, inssenirovka, intermediya, libretto. Janrlarni o‘rganish zarurati.
Dramatik turda hayot va insonlar o‘rtasidagi munosabatlar ifodasi tomoshabin ko‘z o‘ngida, muayyan sahna vaqti ichida harakatda sodir bo‘ladi. Shu sababli unda so‘z va sahna san’ati birlashadi, bir butunlik kasb etadi.

Faqat harakat jarayonidagi g‘oyalar kurashi aniq, yorqin, keskin, tomoshabinni larzaga soladigan tarzda ifodalanadi; bu o‘z navbatida hayot qa’ridagi va inson ruhiyatidagi dramatik ziddiyatdan kelib chiqadi. Bu ziddiyatning turli-tuman xarakteri, ya’ni dramatizmga to’liq voqea-hodisalar va xarakterlarning ko‘p qirraligi ko‘plab dramatik janrlar (ularning hammasini „pyesa“— bir butun, ulush deb yuritish odati ham bor)ning tug’ilishiga sabab bo’lgan. Ular quyidagilar: tragediya, komediya, drama, tragikomediya, melodrama, inssenirovka, intermediya, monodrama va sh. k.