Homiladorlik ta'tili muddati qanday hisoblanadi? Savol: — Homiladorlik ta'tili muddati qanday hisoblanadi? Ta'til uchun nafaqa puli qancha? Javob

HOMILADORLIK TA'TILI MUDDATI QANDAY HISOBLANADI?
SAVOL: — Homiladorlik ta'tili muddati qanday hisoblanadi? Ta'til uchun nafaqa puli qancha?
JAVOB: — Mehnat kodeksiga ko'ra ayollarga tuqqunga qadar yetmish kalendar kun va tuqqanidan keyin ellik olti kalendar kun muddati bilan ta'til beriladi. Bunda tug’ish qiyin kechgan yoki ikki va undan ortiq bola tug’ilgan hollarda — yetmish kalendar kun muddati hisoblanadi. Homiladorlik va tug’ish ta'tili jamlangan holda hisoblab chiqilib, tug’ishga qadar amalda bunday ta'tilning necha kunidan foydalanilganidan qat'i nazar ayolga to'liq beriladi.
«Davlat ijtimoiy sug’urtasi bo'yicha nafaqalar tayinlash va to'lash tartibi to'g’risida»gi nizom mavjud. Unga ko'ra, vaqtincha mehnatga qobiliyatsizlik, homiladorlik va tug’ish bo'yicha nafaqalar barcha hollarda xodimning haqiqiy ish haqidan hisoblab chiqariladi.
***
***
SIZ IShLAYSIZ, LEKIN BOLANGIZ HALI 2 YoShGA TO'LMAGANMI?
O'zingiz tushlik qilayotganda uni ovqatlantirishdimikan, deb qayg’uryapsizmi? Qonunda sizga bu borada imtiyoz bor! Ikki yoshga to'lmagan bolasi bor ayollarga, dam olish va ovqatlanish uchun beriladigan tanaffusdan tashqari, bolani ovqatlantirish uchun qo'shimcha tanaffuslar ham beriladi.
* Bu tanaffuslar kamida har uch soatda bir marta, har biri o'ttiz daqiqadan kam bo'lmagan muddat bilan beriladi.
* Ikki yoshga to'lmagan ikki va undan ortiq bolasi bo'lgan taqdirda, tanaffusning muddati kamida bir soat qilib belgilanadi.
Oyligim qirqiladi, deb xavotir olmang. Bolani ovqatlantirish uchun beriladigan tanaffuslar ish vaqtiga kiritiladi va o'rtacha oylik ish haqi hisobi bo'yicha haq to'lanadi.