Hodimlarini qayta tayyorlash va ularning malakasini oshirish hududiy markazi aniq va tabiiy fanlar metodikasi kafedrasi

Abstraktlash – mavhumlashtirish orqali nazariy umumlashmalar hosil qilishdan iborat ta’lim metodi
Analogiya – taqqoslanayotgan ob’ektlarning xususiy xossalari (belgilari) o‘xshashligiga asoslangan tasdiq bo‘lib, tahlil qilish natijasida hosil qilinadi. Baho – ta’lim oluvchilar bilim, ko‘nikma va malakalarining miqdoriy baholashda ball yoki raqamlar vositasida shartli ifodalanishi
Baholash tizimi – davlat ta’lim standarti bo‘yicha umumiy o‘rta ta’limning malaka talablarini o‘quvchilar tomonidan o‘zlashtirilishi darajasini hamda umumiy o‘rta ta’lim muassasasining faoliyati samaradorligini aniqlaydigan mezonlar majmui.
Bilim – o‘rganilgan ma’lumotlarni eslab qolish va qayta tushuntirib berish. Vaziyat – muayyan vaziyat, ahvolni hosil qiladigan shart- sharoitlar va holatlar uyushmasi.
Davlat ta’lim standarti – ta’lim mazmunining majburiy hajmini; o‘quvchilarning yosh xususiyatlari va imkoniyatlarini hisobga olgan holda tanlanadigan o‘quv yuklamasining yuqori miqdoridagi hajmini; asosiy yo‘nalishlar bo‘yicha o‘quvchilarning bilim, ko‘nikma va malakalariga qo‘yiladigan talablar va ularni baholash me’yorlarini belgilaydi.
Deduksiya – lotincha “deduktio”, keltirib chiqarish ma’nosini anglatib, tasdiqning bir shakli, bitta umumiy hukmdan xususiy hukm keltirib chiqariladi.
Individual o‘qitish - o‘quvchi shaxsiga alohida yondashilgan holda ta’lim- tarbiya berish.
Induksiya – yo‘naltirish, uyg‘otish ma’nosida bo‘lib, uchta asosiy ko‘rinishga ega: 1) ikki yoki bir nechta birlik yoki xususiy hukmlardan yangi umumiy hukm xulosa chiqariladi; 2) tadqiqot usuli bo‘lib, ob’ektlar to‘plamiga tegishli xossalar ba’zi alohida olingan ob’ektlarda o‘rganiladi; 3) materialni bayon qilish usuli bo‘lib, o‘qitishda unchalik umumiy bo‘lmagan qoidalardan umumiy qoidalar (xulosa va natijalar)ga kelinadi.
Innovatsiya – yangidan kiritilgan tushunchalar, tartib qoidalar, texnologiyalar va yangiliklar.