Хўжалик юритувчи субъектлар молияси

Хўжалик юритувчи субъектлар молияси
Молия тизимининг бу соҳаси тижорат корхоналари ва ташкилотлари молияси, молиявий воситачилар молияси ва нотижорат ташкилотлар молияси каби бўғинлардан ташкил топади.
Бу гуруҳга кирувчи хўжалик юритувчи субъектларнинг молиявий муносабатлари тадбиркорлик фаолиятини ташкил этиш, даромадлар ва харажатларни шаклантириш, мулкка эгалик қилиш, ўз зиммаларига олган мажбуриятларини бажариш шаклларига боғлиқ равишда ўзига хос бўлган хусусиятларга эгадир.
Фаолиятининг асосий мақсадларидан келиб чиқиб хўжалик юритувчи субъектлар
(юридик шахслар)
Тижорат асосида фаолият юритувчи хўжалик юритувчи субъектлар
(тижоратчи ташкилот)
Нотижорат асосида фаолият юритувчи хўжалик юритувчи субъектлар (тижоратчи бўлмаган ташкилот)
Тижоратчи ташкилот фойда олишни ўз фаолиятининг асосий мақсади қилиб олган
Тижоратчи бўлмаган ташкилот фойда олишдан бошқа мақсадни ўз олдига қўяди.
Тижоратчи ташкилот бўлмаган юридик шахс жамоат бирлашмаси, ижтимоий фонд ва мулкдор томонидан молиявий таъминлаб туриладиган муассаса шаклида, шунингдек қонунларда назарда тутилган бошқача шаклда ташкил этилиши мумкин.

Тижорат асосида фаолият юритувчи корхона ва ташкилотлар молияси. Тижорат ташкилоти

Тижоратчи ташкилот бўлган юридик шахс хўжалик ширкати ва жамияти, ишлаб чиқариш кооперативи, унитар корхона ва қонунларда назарда тутилган бошқача шаклда(хусусий корхона, жамоа корхоналари) тузилиши мумкин.

Улушларга (қўшилган ҳиссаларга) ёки муассисларнинг (иштирокчиларнинг) акцияларига бўлинган устав фонди (устав капитали)га эга бўлган тижоратчи ташкилотлар хўжалик ширкатлари ва жамиятлари ҳисобланади.

Муассислар (иштирокчилар) қўшган ҳиссалар ёки улар сотиб олган акциялар ҳисобига вужудга келтирилган, шунингдек хўжалик ширкати ёки жамияти ўз фаолияти жараёнида ишлаб чиқарган ва сотиб олган мол-мулк мулк ҳуқуқи асосида унга тегишлидир.

Хўжалик ширкатлари ва хўжалик жамияти.
Хўжалик ширкатлари- бу шахслар ва улардан ҳар бирининг бевосита ҳаракатлари (то жавобгарликкача) фойда олиш мақсадида бирлашиш бўлса, хўжалик жамиятлари эса фақат уларнинг иштирокчилари капиталларининг бирлашуви бўлиб, улардан ҳар бирининг жамият фаолиятида бевосита иштирокисиз амалга ошади.
Ўзбекистон Республикаси Фуқаролик кодексига шарҳ 1-ж. (биринчи қисм)
Ўзбекистон Республикаси Адлия вазирлиги. – Т.: «Vektor-Press», 2010. – 169б.