Himoyaga ruhsat etiladi” O‘quv va ishlab chiqarish amaliyoti bo‘yicha direktor o‘rinbosari

4-bob. Tender o‘tkazish tartib-taomillari
1-§. Tender o‘tkazish shartlari
126. Tender vositasidagi davlat xaridi quyidagi shartlar bir vaqtning o‘zida bajarilgan taqdirda amalga oshiriladi:
g‘olibni aniqlash mezonlari tovarlarning (ishlarning, xizmatlarning) nafaqat pul bilan baholanishini, balki miqdoriy va sifat jihatidan baholanishini ham o‘z ichiga oladi;
Oldingi tahrirga qarang.
korporativ buyurtmachilari uchun tovarlarning (ishlarning, xizmatlarning) qiymati bir shartnoma bo‘yicha bazaviy hisoblash miqdorining yigirma besh ming baravaridan ortiq miqdorni tashkil etadi;
budjet buyurtmachilari uchun tenderdagi davlat xaridlari bir shartnoma bo‘yicha bazaviy hisoblash miqdorining olti ming baravaridan ortiq summani tashkil etishi kerak.
(126-bandning uchinchi va to‘rtinchi xatboshilari O‘zbekiston Respublikasi moliya vazirining 2020-yil 24-fevraldagi 7-sonli buyrug‘i (ro‘yxat raqami 3016-3, 13.04.2020-y.) tahririda — Qonun hujjatlari ma’lumotlari milliy bazasi, 13.04.2020-y., 10/20/3016-3/0460-son)
127. Tender o‘tkazish to‘g‘risidagi e’lonlarni faqat moliyalashtirish manbalari va miqdorlari mavjudligi tasdiqlangan taqdirdagina portalga va boshqa ommaviy axborot vositalariga joylashtirishi shart.
Oldingi tahrirga qarang.
127¹. Tenderda xorijiy yetkazib beruvchilar bilan birga ikki yoki undan ortiq ishtirokchilar — mahalliy ishlab chiqaruvchilar bo‘lgan taqdirda, mahalliy ishlab chiqaruvchilarga nisbatan qonunchilik hujjatlarida belgilangan tartibda narx preferensiyasi qo‘llaniladi.
(127¹-band O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
2-§. Tenderni o‘tkazishda xarid komissiyasi faoliyatini tartibga solish
128. Tender o‘tkazish uchun buyurtmachi huzurida toq sonli (yetti kishidan kam bo‘lmagan) a’zolardan iborat xarid komissiyasi (bundan buyon matnda tender komissiyasi deb yuritiladi) tuziladi.
129. Tender komissiyasining a’zolari tarkibi va soni xarid qilish tartib-taomilining turiga bog‘liq bo‘ladi hamda olinayotgan tovarning (ishning, xizmatning) xususiyatlari inobatga olingan holda o‘zgartirilishi mumkin.
130. Tender xo‘jalik faoliyati doirasida o‘tkazilganda tender komissiyasi buyurtmachining vakillari orasidan, zarur bo‘lgan taqdirda ovoz berish huquqiga ega ekspertlar jalb etilgan holda shakllantiriladi.
Oldingi tahrirga qarang.
131. Tender loyiha faoliyati doirasida o‘tkazilganda tender komissiyasi vazifalarini qonunchilik hujjatlarida belgilangan tartibda tashkil etiladigan loyihani amalga oshiruvchi guruh bajaradi, u tender natijalari to‘g‘risida qarorlar qabul qiladi.
(131-band O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
Oldingi tahrirga qarang.
132. Tender komissiyasi tarkibiga O‘zbekiston Respublikasi Investitsiyalar va tashqi savdo vazirligining va O‘zbekiston Respublikasi Vazirlar Mahkamasi huzuridagi “O‘zinjiniring” respublika loyihalashtirish institutining vakillari kiritilishi shart.
(132-band O‘zbekiston Respublikasi moliya vazirining 2019-yil 11-martdagi 36-son buyrug‘i (ro‘yxat raqami 3016-1, 22.04.2019-y.) tahririda — Qonun hujjatlari ma’lumotlari milliy bazasi, 22.04.2019-y., 10/19/3016-1/2984-son)
133. Tender komissiyasi buyurtmachining tegishli qarorlari bilan shakllantiriladi va tarqatib yuboriladi.
134. Tender komissiyasining tezkor faoliyatini uning mas’ul kotibi tashkil etadi.