Himoyaga ruhsat etaman” tarmoq markazi direktori N. A. Muslimov 2021 yil

Tarbiyaviy maqsad – fan asoslarini o‘zlashtirish orqali uning mazmunida yotgan g‘oyalar, dunyoqarashlar ta’sirida o‘zining shaxsiy sifatlarini, imon-e’tiqodlarini shakllantirish.
Rivojlantiruvchi maqsad – ta’lim jarayoni ta’sirida shaxsning aqliy kamolotini, bilish qobiliyatini, o‘zining, mehnatga bo‘lgan munosabatlarini rivojlantirishdan iborat. Bu maqsadni amalga oshirish natijasida tarbiyalanuvchida mustaqil ishlash iste’dodi paydo bo‘ladi. Uni o‘ylashga o‘rgatadi, ta’lim jarayonida tafakkur hukmronlik qiladi.
Mediapedagog – zamonaviy axborot informatsion texnologiyalarni o‘zlashtirish orqali mediata’limni olib bora olish bilim, malaka va ko‘nikmalarini egallagan o‘qituvchi.
Mediata’lim – tarbiyalanuvchilar tomonidan ommaviy kommunikatsiya qonuniyatlari – matbuot, televideniya, radio, video, kino, internet axborotlarini olish, tahlil etish va bilim olishga asoslanadi.
Menejer – tashkiliy pedagogik va iqtisodiy masalalarni hal etuvchi shaxs.
Mentor – ustoz, o‘qituvchi (yakka va guruhli tartibda).
Moderator – ta’lim mazmunini yaratuvchisi, modullarni ishlab chiquvchi shaxs.
Metod – grekcha so‘z bo‘lib, “yo‘l”, “axloq”, “usul” ma’nolarini bildiradi. Tabiat va ijtimoiy hayot hodisalarini bilish, tadqiq qilish faoliyati, harakatning yo‘li, usuli yoki qiyofasi, shakli, ko‘rinishi.
Metodist – ta’lim-tarbiya metodlari bo‘yicha mutaxassis. Dasturlarni ishlab chiqishda va amalga oshirish jarayonida metodik maslahat beruvchi shaxs.
Metodik – metodikaga tegishli, qat’iy ketma-ketlikka, tizimga ilgaritdan o‘rnatilgan reja, tizimga aniq rioya qilish.
Metodika – biror ishni maqsadga muvofiq o‘tkazish metodlari, yo‘llari majmuasi. U alohida metodlardan tashkil topadi.
Pedagogika fani sohasi ma’lum o‘quv predmetini o‘qitish qonuniyatlarini tadqiq qiladi – tillar metodikasi, matematika metodikasi va h.k.
Metodologiya – bilimning ilmiy metodi haqidagi ma’lumot. Biror fanda qo‘llaniladigan metodlar majmuasi.
Moderator – ma’muriy huquqiga ega bo‘lgan forum ta’limi qatnashchisi. U mavzuni yuqori darajada o‘zlashtirib olgan va uning boshqaruvchisi. Forumni boshqaruvchi, uni tayyorlashda maslahat beradi. Har bir forum qatnashchisini rag‘batlantirib turuvchi, forumni yo‘naltirib, uning faol o‘tishi uchun sharoit yaratuvchi.
Modul – pedagogik texnologiyani o‘z ichiga olgan tarkibiy bo‘lak bo‘lib, o‘quv materiali mazmuni hamda dars jarayoni modullaridan tashkil topadi.
Pedagogik texnologiya materiallarini modullariga ajratish, modullashtirish jarayoni bilan kichik modul, modullar to‘plami, birlamchi modul va modul darajasi tushunchalaridan foydalaniladi va quyidagicha ta’riflanadi.
Kichik modul – pedagogik texnologiya tarkibidagi eng kichik birlikni ifodalaydi. Amalda bunday kichik modulni tashkil qiluvchi boshqa kichik modullarga ajratish mumkin emas deb hisoblanadi.
Birlamchi modul – pedagogik texnologiyani uning biror darajasidan boshlab tasvirlashga dastlabki modul sifatida tanlangan va o‘z tarkibida bir yoki bir nechta kichik modullarni oladigan modul.