Химмотология

Мойларни узлуксиз адсорбцион тозалаш қурилмасининг технологик режими

Нисбат	Дистиллят	Деасфальтизат
адсорбент: хом ашё (тозалашда)	2:1	(3-4):1
адсорбент: хом ашё (қайта тозалаш)	0,2:1	(0,25-05):1
Эритувчи: хом ашё суюлтириш учун	1:1	1:3
адсорбент: эритувчи (десорбцияга)	1:2	1:2
Ҳарорат, ^оС
Адсорбция	40-45
Десорбция	75-80
Адсорбентни қуритиш	150
Смолани ёқиш	650
Жараённи босими, Мпа	0,1-0,14

4.3. Мойларни кислота ва ишқор билан тозалаш
Мойларни сульфат кислотаси билан тозалаш

Мойларни сульфат кислота ёрдамида тозаланганда мой фракциясидан смоласимон асфальтен моддалар, тўйинмаган углеводородлар, нафтен кислоталари қисман азотли ва олтингугуртли бирикмалар, полициклик ароматик углеводородлар ажратиб олинади.

Сульфат кислотаси билан қайта ишланган мой фракцияси икки қаватга ажралади. Пастки қаватда - нордон гудрон - ўз таркибида реакция маҳсулотлари, кислотани ортиқчасини, бирикмаларни (кислотада эриган) ва механик равишда пастки қаватга тушиб қолган мойларни ушлаб туради. Юқори қаватда - нордон мой - уни таркибида мой углеводородларлари ва жуда оз миқдорда мойда эриган кислота қолдиги ва реакция маҳсулотлари бўлади.
Сульфат кислота билан тозалаш жараёнининг параметрлари хом ашёни кимёвий таркибига,ёпишқоқлигига, тозаланган маҳсулотни талаб даражасига боғлиқ бўлиб ҳар бир вазиятда тажриба йўли билан аниқланади.
Мойни тозалаш натижалари жараённи ҳароратига, контакт вақтининг давомийлигига, сульфат кислотани концентрациясига ва миқдорига, кислотани қуйиш тартибига боғлиқдир. Лекин, ёпишқоқ мойларни паст ҳароратда тозалаш қийин, чунки мой кислота билан ёмон аралашади ва гудронни чўкиши қийинлашади.