Химмотология

22-расм. Мойларни узлуксиз адсорбцион тозалаш қурилмасининг технологик чизмаси.
I Хом ашё, II Адсорбент, III 1-Рафинат, IV 2-Рафинат, V Ҳаво, VI Сув VII Сув буғи, VIII Тутун газлари.

Хом ашё ва эритувчи адсорберни А-2 пастки кириш қисмида аралашади. Бунда эритма пастдан юқорига қараб, юқори қисмидан эса циркуляция қилаётган адсорбент берилади ва хом ашёни эритмасига қарши ҳаракат қилиб пастга чўкади. Адсорбент мойдан смола ва полицикликлик ароматик углеводородларни ютиб олади.

Тозаланган мойни эритмаси (рафинат - 1 эритмаси) адсорбер А-2 тепасидан олиниб эритувчини регенерациялаш учун юборилади. Регенерация К-1 ва К-2 колонналарида икки босқичда олиб борилади. Ажратиб олинган моддалар билан тўйинган эритувчидаги адсорбент суспензияси (аралашмаси) адсорбер А-2 дан пастдан кўтарилаётган оқим билан десорбер А-3 га тушади ва у ерда ювилади. Эритувчи десорберни А-3 ни пастки қисмига берилади. Иссиқ эритувчи адсорбентни юзасидаги ароматлашган рафинат - 2 ни сиқиб чиқарилади. Рафинат - 2 эритмаси десорбер А-3 ни юқори қисмидан чиқиб иссиқлик алмашув аппаратлари Т-4га кейин К-3 ва К-4 колонналарга берилади ва у ерда уч босқичда эритувчидан хайдаб олинади.
Смола билан тўйинган адсорбент суспензияси десорбер А-3 ни пастки қисмидан А-4 га ўтади, у ерда адсорбентдан сув пари ёрдамида эритувчи ажратиб олинади.
Қуритилган адсорбент пневмотранспорт ёрдамида сепаратор С-1 га берилади ва у ердан погонали қарама-қарши оқимли Р-1 регенераторга берилади. Регенераторда смола (ёндирилади) адсорбентни юзасидан ёндириб юборилади. Ҳаво адсорбентга қарама-қарши юборилади ва тутунли газлар регенератор Р-1 ни тепа қисмидан чиқиб козон- утилизаторга берилади.
Регенерирланган адсорбент регенераторни (Р-1) пастки қисмидан совутгич А-1га берилади. У ерда қайнаб турган қаватда сув билан иссиқлик змеевик орқали чиқарилади ва регенерацияга берилаётган (А-1 орқали) ҳаво иситилади. Совутгич А-1ни пастки қисмидан адсорбент пневмотранспорт ёрдамида сепаратор С-2 га берилади ва у ердан адсорбер А-2 га берилади.