Хх асрнинг 80-йилларидаги “Ўзбек иши” ва “пахта иши” кампаниялари туфайли ноҳАҚ айбланиб, Қатағон этилган ватандошларимиз а

РАИМЖОНОВ Хакимжон - 1939 йилда Сирдарё туманида туғилган. Юбилейний (Бахт шаҳри) пахта пунктида кассир. 1986 йилда қўшиб ёзишда айбланиб 4 йилга қамалган.
РАИМОВ Абдуғаффор Раимович-1948 йилда Сирдарё вилояти, Ворашилов райони Гулистон совхозида туғилган, миллати ўзбек, Сайхунобод тумани, 2-бўлим бошлиғи бўлиб ишлаган. 1980 йиллардан кейин пахта иши бўйича сўроқ берган.
РАЙИМЖОНОВ Каримжон Райимжонович - тахминан 1928 йилда Сирдарё тумани хозирги Зиёкор махалласида туғилган. Сирдарё пахта тозалаш заводида торозбон вазифасида ишлаган.Пахта иши юзасидан 1981-1983 йилларда қамоқ жазосини ўтаган. Жазо муддатини ўтаб қайтиб, Сирдарё шаҳар, Пахтакор махалласида яшаган. 2016 йилда вафот этган.
РАМАНОВ Абдували - 1958 йилда Сирдарё вилояти Мирзаобод туманида туғилган. Колхозда хисобчи. 1976 йилда пахта иши юзасидан пулларни тўғри тақсимламаган деб тергов қилиган ва меҳнат лагерига юборилган. Сирдарё область судининг 02.03.1987 йилдаги ҳукми билан, 2 йил ОМҚ, мол-мулки мусодара қилинсин. Гулистон совхозида хисобчи. Икки йилга мажбуран қамоққа олинган.1987 йилда оқланган.
РИСБОЕВ Қодирқул - 1925 йилда Тошкнт вилояти Мирзачўл районида туғилган. Пахта пункти ишчиси. Пахта пунктида пахталарни қабул қилиш жараёнида ортиқча ёзиб юборганлиги сабабли, Ўз ССР ЖКнинг 151-моддаси билан 1949 йилдан 1952 йилгача жазо муддатини ўтаб, Боёвут туманига қайтган.
РУСТАМОВ Насриддин - 1936 йил Жиззах вилояти Зомин туманида туғилган. Колхоз ёрдамчи бухгалтер. 1985 йиллари пахта иши юзасидан сўров берган. 2015 йили вафот этган. Сирдарё вилояти Сайхунобод туманида яшаб ўтган.
РУСТАМОВ Суюн Ортиқович - 1958 йилда Сирдарё област, Комсомол райони, Мирзачўл совхозида туғилган. Сирдарё област Комсомол район Мирзачўл савхозида 1-бўлими завхоз. 20.05.5 йилдан қамоқда сақланмоқда. Ўз ССРЖКнинг 118 моддасининг 3 қисми билан 4 йилга, 155 моддаси билан 2 йилга озодликдан маҳрум этиб, жазони Ўз ССРЖКнинг 40, 42 моддаларига асосан 4 йил озодликдан маҳрум этишни қолдириб, уни кучайтирилганрежимли ахлоқ тузатиш меҳнат калонияларида ўташ, мол-мулки давлат фойдасига мусодара қилиш, асосий жазони ўтагандан сўнг 4 йил муддатга муайян мансабда ишлаш ҳуқуқидан маҳрум этиш белгиланган.