Хх асрнинг 80-йилларидаги “Ўзбек иши” ва “пахта иши” кампаниялари туфайли ноҳАҚ айбланиб, Қатағон этилган ватандошларимиз а

АНОРБОЕВ Бозорбой Аралович - 1955 йида Қозоғистон ССР Чимкент област, Пахтаорол районида туғилган. Муқаддам судланмаган. Мирзачўл совхози 3-бўлим катта ҳисобчиси. Ўз ССРЖКнинг 17-119 прим моддаси билан 5 йилга, 149 моддаси билан 3 йилга 55 моддаси билан 12 йилга озодликдан маҳрум этилиб, Ўз ССРЖКнинг 40 ва 42 моддаларига кўра 5 йилга озодликдан маҳрум этиш жазоси қолдирилиб, уни кучайтирилган режимли ахлоқ тузатиш меҳнат колонияларида ўташ белгиланган. Мол-мулкини давлат фойдасига мусодара қилиш кўрсатилган.
АНОРБОЕВ Нурмуҳаммад Оролович -1937 йилда туғилган. Муқаддам судланмаган. Мирзаобод тумани пахта тозалаш заводи ходими. Иш бўйича 17.01.1986 йилдан бошлаб қамоққа олинган. Ўз ССРЖКнинг 119 прим моддаси билан 10 йилга, 149 моддаси билан 3 йилга, 155 моддаси билан 2 йилга озодликдан маҳрум этиб, Ўз ССРЖКнинг 40 моддасига кўра 10 йил озодликдан маҳрум этиш жазоси қолдирилиб, уни кучайтирилган режимли ахлоқ тузатиш меҳнат колонияларида ўташга, мол-мулки давлат фойдасига мусодара қилишга белгиланган. Сирдарё вилоят судининг 17.01.1986 йилдаги ҳукми билан, 10 йил ОМҚ 4 йил МҲМЭ, мол-мулки мусодара қилинган.
АРЗИҚУЛОВ Раҳмонқул Юлдашевич - 1961 йилда Сирдарё област, Комсомол райони Мирзачўл совхозида туғилган. Миллати ўзбек. Комсомол район Мирзачўл савхози 4-бўлими катта агроном. Муқаддам судланмаган. Ўз ССР ЖКнинг 149 ва 155 моддалари билан Ўз ССР ЖКнинг 23-2 ва 40 моддаларига кўра жалб этилган. Сирдарё вилоят судининг 17.01.1986 йилдаги ҳукми билан, 3 йил озодликдан маҳрум этилган. Ўз ССР Олий Суди томонидан 1991 йил 11 мартда АРЗИҚУЛОВ Раҳмонқул Юлдашевич оқланган.
АРЗИҚУЛОВ Сувонқул – 1958 йилда Сирдарё область Комсомол районида Мирзачўл савхозида туғилган. 1-3-бўлим бошлиқлари лавозимида ишлаган. Муқаддам судланмаган. Иш бўйича 1985 йилда 21 июн куни айблаш фикрини олган. Тилхат орқали очиқда юрган. Ўз ССРЖКнинг 119 прим моддаси билан 10 йилга, 149 моддаси билан 4 йилга, 155 моддаси билан 2 йилга озодликдан маҳрум этилиб, Ўз ССР ЖКнинг 40 моддасига кўра 10 йилга озодликдн маҳрум этилиб, жазони кучайтирилган режимли ахлоқ тузатиш меҳнат колонияларида ўташ, мол-мулкини давлат фойдасига мусодара қилиш белгиланган. Асосий жазони ўтаб бўлгандан сўнг 4 йил муддатга муайян мансабда ишлашдан маҳрум қилинсин.