Хфх лек Хосилбеков

§ 8. ISHLAB CHIQARISHDA YONG’IN XAVFSIZLIGI

Reja:

1. 
   Yong’inning kelib chiqish sabablari va xatarli omillari
   
2. 
   Yong’in xavfsizligiga doir asosiy talablar va qoidalar
   
3. 
   Qurilish materiallari va binolarning o’tga chidamliligi va ularnining turkumlanishi
   
4. 
   Yong’in haqida xabar berish va o’chirish vositalari
   
5. 
   Yong’inni o’chirishda qo’llaniladigan moddalar, ularning sinflanishi va xususiyatlari.
   
6. 
   Yong’inni o’chirishda suv ta’minoti
   
7. 
   Ishlab chiqarishda yong’inga qarshi tizimlar.
   
8. 
   Davlat yong’nni nazorat qilish organi
   

Tayanch iboralar: Statik zaryadlar, qisqa tutashuv, elektr tarmoqlar zo’riqishi, yonish, chaqnash, alangalanish, portlash, o’z-o’zidan alangalanish, yonish sharti, , yong’inga xavflilik darajasi, birlamchi OXP, OU, OVP o’t o’chirish vositalari, davlat yong’inni nazorat organi.
Foydalanilgan adabiyotlar:
1. H.E.G’oipov Mehnat muhofazasi. T., «Mehnat» 2000y
2.O.Qudratov, T.G’aniev Hayotiy faoliyat xavfsizligi T., “Mehnat” 2004
3.G.I Belyakov Oxrana truda .M., «Agropromizdat» 1990 g. 4.Yu.Dodoboyev, M.Hamidov. Qishloq xo’jaligi ishlab chiqarishda mehnat muhofazasi.T., «Mehnat» 2000y

1. Yong’inning kelib chiqish sabablari va xatarli omillari

Ishlab chiqarish va hayot fa’oliyati davomida yong’inni kelib chiqishiga quyidagilar sabab bo’lishi mumkin:

• 
  isitish pechlarini qurish yoki ishlatish qoidalarining buzilishi;
  
• 
  ishlab chiqarishda yoki uyda olovni ehtiyotsizlik bilan ishlatish;
  
• 
  kerosinda ishlaydigan yoritish yoki qizdirish asboblarini noto’g’ri o’rnatish yoki ulardan foydalanish qoidalarini buzish;
  
• 
  yashin yoki statik elektr razryadlar;
  
• 
  mashinalar va ishlab-chiqarish jihozlarining nosozligi hamda ularni ishlatish qoidalariga rioya qilmaslik (ichki yonuv dvigatellaridan chiqadigan uchqunlar, elektr qurilmalaridagi qisqa tutashuvlar yoki ularning yerga ulanib qolishi, elektr simlarida zo’riqishning yo’l
  

qo’yilmaydigan darajada ortib isishi, kontaktlari yomon bo’lgan joylarning qizib ketishi va ulardan uchqun chiqishi, bug’ qozonlarining portlashi);

• 
  qishloq xo’jaligi mahsulotlarining yoki yonilg’ining saqlash qoidalariga rioya qilmaslik natijasida o’z-o’zidan yonib ketishi sabab bo’ladi.