Hazorasp tumani xalq ta’limi bo‘limi buyrug‘i pedagog xodimlarni

HAZORASP TUMANI XALQ TA’LIMI BO‘LIMI BUYRUG‘I


Pedagog xodimlarni 2022-yil 28-noyabrdan 3-dekabrga qadar malaka oshirish kurslariga jalb etish to‘g‘risida.

O‘zbekiston Respublikasi Vazirlar Mahkamasining 2022-yil 17-yanvardagi “Xalq ta’limi xodimlarini uzluksiz kasbiy rivojlantirish tizimini tashkil etish tartibi to‘g‘risida” gi nizomni tasdiqlash haqida”gi 25-sonli qarori va Xalq ta’limi vazirining 2022-yil 20-yanvardagi “Xalq ta’limi xodimlarini uzluksiz kasbiy rivojlantirish tizimini joriy etish to‘g‘risida” gi 18-sonli buyrug‘i hamda viloyat xalq ta’limi boshqarmasining 2022-yil 8-fevraldagi 19-sonli buyrug‘i ijrosini ta’minlash maqsadida

BUYURAMAN:

1. 2022-yil 17-yanvardagi “Xalq ta’limi xodimlarini uzluksiz kasbiy rivojlantirish tizimini tashkil etish tartibi to‘g‘risidagi nizomni tasdiqlash haqida” gi 25-sonli qarori va Xalq ta’limi vazirining 2022-yil 20-yanvardagi “Xalq ta’limi xodimlarini uzluksiz kasbiy rivojlantirish tizimini joriy etish to‘g‘risida” gi 18-sonli buyrug‘i hamda viloyat xalq ta’limi boshqarmasining 2022-yil 8-fevraldagi 19-sonli buyrug‘i rahbarlik va ijro uchun qabul qilinsin.

2. Barcha ta’lim muassasalari rahbarlariga:
- 2022-yil 28-noyabrdan 3-dekabrga qadar Xorazm viloyat xalq ta’limi xodimlarini qayta tayyorlash va ularning malakasini oshirish hududiy markazida bir haftalik an’anaviy tarzda pedagog xodimlarning malaka oshirishi rejalashtirilganligi ma’lumot uchun qabul qilinsin;
- Pedagog xodimlarni belgilangan tartibda Xorazm viloyat xalq ta’limi xodimlarini qayta tayyorlash va ularning malakasini oshirish hududiy markazining o‘quv kurslarida to‘liq qatnashishini ta’minlash vazifalari topshirilsin.
3. Malaka oshirish kurslarida 6 kun davomida an’anaviy qatnashadigan pedagog xodimlar ro‘yxati 1-ilovaga muvofiq tasdiqlansin.
4. Malaka oshirish kurslarida 5 kun davomida an’anaviy qatnashadigan rahbar xodimlar ro‘yxati 2-ilovaga muvofiq tasdiqlansin.
5. Tinglovchilarning oylik maoshlari saqlangan holda malaka oshirish kurslarida qatnashishi belgilansin.
6. Mazkur buyruqning ijrosini nazorat qilish Hazorasp tuman xalq ta’limi bo‘limi mudiri o‘rinbosari (M.Adamboev) va ijrosini ta’minlash Hazorasp tuman xalq ta’limi bo‘limi Pedagog xodimlar salohiyatini oshirishni tashkil etish bo‘yicha metodisti (K.Matkarimov) zimmasiga yuklatilsin.