Hayotning 101 qoidasi Uzbekistan 978-613-9-45185-2

19.
 
Muammolaringizni bir baxtdek ko’ring
 
 
Hayot liderligi seminarlarimda, ishtirokchilardan tez-tez bir savolni so’rayman: “Biz 
hayotimizni eng qiyin tajribalarimizdan o’rganamiz degan fikrga kim qo’shiladi?”. 
Shubhasiz, xonadagi barcha qo’llar birin-ketinlikda ko’tariladi. Shunday ekan, men 
doimo bir narsadan hayratlanaman: biz - insonlar eng og’ir qiyinchiliklarimizning 
faqatgina salbiy tomonlarini ko’rishga odatlanganmiz. Zero, ularda ham ijobiy tomonlar 
bor, xususan, ular bizning hayot o’qituvchilarimizdir.
Siz turli xil azoblarni,qiyinchiliklarni boshdan kechirmaguningizcha aqlli va dono 
bo’lolmaysiz. Bir marta va doimo shuni yodingizda saqlang: og’riq bu - o’qituvchi va 
muvaffaqqiyatsizlik muvaffaqqiyatning narvonidir. Siz gitarani bir ikki marotaba 
noto’g’ri notani chalmasdan o’rganolmaysiz. Bir necha marta qayiqda ag’darilib 
ketmaguningizcha kemada suzishni o’rganolmaysiz. Muammolaringizni baxt sifatida 
ko’rishni boshlang. Qiyin masalalaringizni hal qilsa bo’ladigan masalaga o’zgartiring. 
Yaralaringizni donolikka o’zgartirishga va’da bering.
Boshqa ko’plab odamlarga o’xshab, men ham hayot yo’limda juda ko’p og’riqli 
vaziyatlarga duch kelganman. Shuni aytishim mumkinki insonning xarakteri nafaqat 
yengil, zavqli hayotdan o’zgaradi, balki u bergan qiyinchiliklardan ham o’zgaradi. Ana 
shunday vaqtlarda biz o’zimizni aslida kim ekanligimizni, bizning kuchimiz qay
darajada ekanligini anglaymiz. Agar siz aynan hozir biror qiyinchilikni boshdan 
kechirayotgan bo’lsangiz, Rainer Mariya Rilkening oltinga teng so’zlarini o’qishingizni 
taklif qilardim. Men ham bu so’zlarni hayot menga muammolarni yuborgan paytida 
o’qir edim.
…..qalbingizda yechib bo’lmaydigan barcha narsalarga nisbatan sabrli bo’ling. Xuddi 
qulflangan xona va boshqa tilda yozilgan kitobni yaxshi ko’rgandek savollarning o’zini 
yaxshi ko’rishga harakat qiling. Javobni qidirmang. U sizga baribir ham berilmaydi.
Sababi siz javoblar ichida yashamaysiz. Savollar esa hamma joyda bor. Shuning uchun 
aynan hozir, siz savollar ichida yashashingiz kerak. Balki keyinchalik o’zingiz bilmagan 
holda javoblarni topishingiz mumkin.