Hayot faoliyati xavfsizligi (O`quv qo`llanma) toshkent 2019

O`t o`chirgichlarni sinash tartibi. Barcha turdagi o`t o`chirgichlar qayd etish nomeriga ega bo`lishi kerak. Ular muntazam ravishda (har 6 oyda bir marta) tekshirilib va qayta zaryadlanib turilishi kerak. Agar korpusda yoriq yoki chirigan joylar aniqlansa foydalanishdan chiqarilishi kerak. O`t o`chirgichlar foydalanish muddatiga ko`ra 3 guruhga ajratiladi: 1-guruh foydalanish muddati- 1 yil; 2-guruh-2yil; 3-guruh-3yil. 1-guruhdagi o`t o`chirgichlarning 25 foizi, 2-guruhdagilarning 50 foizi, 3-guruhdagilarning 100 foizining korpusi foydalanilgandan 1 yil o`tgach 2 MPa bosim ostida 1 minut davomida sinovdan o`tkaziladi.
O`t o`chirgichlarni zaryadlash tartibi. Ko`pikli o`t o`chirgichlarni zaryadlashda ishqorli aralashma sig`imi 10l.dan kam bo`lmagan emallangan satil yoki shisha idishga solinadi va unga 8,5 l.xona haroratidagi suv qo`shiladi. Eritma sig`imi 1,0-1,5 litrli kislotaga bardoshli bankaga qo`yiladi va unga 80-100 °c haroratdagi qaynoq suv qo`shiladi. Eritma sovugandan so`ng kichik teshikli setka orqali kislotali stakanga qo`yiladi. Eritmaning muzlash haroratini -24°c gacha pasaytirish maqsadida ishqorli eritmaga uning hajmiga nisbatan 40 foiz miqdorida etilenglikol yoki glitserin qo`shiladi. O`t o`chirgich korpusi va hisobga olish jurnaliga zaryadlash sanasi ko`rsatiladi.
3. O`t o`chirgichlar sonini aniqlash
Ishlab chiqarish binolari uchun talab etiladigan o`t o`chirgichlar soni quyidagicha aniqlanadi: n_o = m_o * S,
bu yerda S - ishlab chiqarish xonasining yuzi, m²;
m_o- 1m² maydonga me’yor bo`yicha belgilangan o`t o`chirgichlar soni.
Bu ko`rsatkich materiallar ombori, garajlar, chorvachilik binolari, bug`xonalar, tegirmonlar, oshxona va magazinlar uchun 100 m² maydonga 1 ta, elektr payvandlash sexlari, temirchilik sexlari, labaratoriyalar uchun – 50 m² maydonga 2 ta qilib qabul qilinadi.
4. Hisobot tarkibi.
Darsda o`rganilgan o`t o`chirgichlarning tuzilishi, ishlatilishi, zaryadlash tartibi bo`yicha yozma ma’lumot bering.